دەموكراتياعا سەنىمدى قادام باسقان ەل

شەتەلدىك زاڭگەر رەتىندە پرە­زي­دەنت ن.نازارباەۆتىڭ ساياسي ۇندەۋى­مەن مۇقيات تانىسىپ شىقتىم. مۇن­داعى باستى ماقسات – پرەزيدەنتتىڭ قازىرگى وكىلەتتىگى مەن قۇزىرەتىنە قاتىس­تى بي­لىك تارماقتارىن ۇكىمەت پەن پارلا­مەنتكە ءبولۋ كوزدەلەدى. وسىلايشا, زاماناۋي تيىمدىلىگى مول اتقارۋشى بيلىك قالىپتاستىرۋ ارقىلى ەلدى دامۋدىڭ جوعارى دەڭگەيىنە جەتكىزۋ جوس­پارلانعان. دەمەك, ەندىگى جەردە پرەزي­دەنت­تىڭ بۇل جوباسىن جۇزەگە اسىرۋدا قازاقستانداعى بارلىق ساياسي جۇيە مەن ينس­تيتۋتتار قازىرگى قىزمەتتىك قاعيداتتارىن كۇرت وزگەرتىپ, زاماننىڭ جاڭا تالاپتارىنا ساي بەيىمدەلۋى ءتيىس. ۇندەۋدىڭ نەگىزگى وزەگى پرەزي­دەنتتىڭ وزىنەن باستاپ, ۇكىمەت جانە ونىڭ ءتۇرلى ۆەدومستۆولىق مەكە­مە­لەرىندەگى الەۋمەتتىك, ەكونومي­كا­لىق سالالار اراسىنداعى بيلىك­تى ءبولۋ بولىپ تابىلادى. سونى­مەن قاتار, وڭىرلەردەگى بيلىك­تى اكىمدىكتەر پايداسى ءۇشىن قايتا ءبولۋ دە قاراستىرىلۋ ۇستىندە. جالپى, مۇنداي قادام ارقىلى بيلىك پەن ازاماتتىق قوعام اراسى جاقىنداي ءتۇسىپ ءارى جاۋاپكەرشىلىك تە قايتا بولىنەدى دەپ كۇتىلۋدە. سوندىقتان, بۇل رەفورما وزىنە ءتان ەرەكشەلىكتەرىمەن حالىقارالىق جاريا قۇقىق نەگىزدەرى بولىپ تابىلادى. پرەزي­دەنت پەن پارلامەنت جانە ۇكىمەت ارا­سىن­داعى قۇزىرەتتىلىكتى انىقتاۋ ازامات­تىق قوعام بيلىگىن ءبولۋ ەرەجەسىندە باسىمدىق سۋبسيديارلىق نەگىزبەن جۇزەگە اسىرىلادى. ەندەشە, ەلدى دامىتۋ مەن مەملەكەتتىك باس­قارۋ ىسىندە جاڭا ادىستەر ەنگىزۋ ارقى­لى قازاقستاننىڭ ءۇشىنشى جاڭعىرۋىنا جەتە­لەيتىن بۇل قادام قوعامدى دەمو­كرا­تيا­عا جاقىنداتا تۇسەدى دەۋگە تولىق نەگىز بار. جوان مانۋەل ترايتەر, يسپانيا ورتالىق سايلاۋ كوميسسياسىنىڭ مۇشەسى,جيرون ۋنيۆەرسيتەتىنىڭ جاريا قۇقىق كافەدراسىنىڭ پروفەسسورى