حات تاسىپ شارشامايدى

قايتقان قۇستان حابار كۇتەتىن ۋاقىت وتكەن. حا­بار-وشاردىڭ زامانى داۋىرلەپ تۇر. عالامتوردا اق­پارات الماسىپ, جاڭا­لىقتى جالپاق الەمگە جا­ريا­لاپ جاتىرمىز. دەسەك تە, قولجازبا, ءۇشبۋ حات, گا­زەت-جۋرنالداردىڭ ور­نى ءبا­رىبىر بولەك. جۋىردا «قازپوشتا» اكتسيونەرلىك قوعامىنىڭ وبلىستىق فيليالى جاڭا­ارقا اۋداندىق پوشتا بايلانىسى بولىمىنە قوس بىردەي اۆتوكولىك سىيلادى. جاعىمدى جاڭالىقتى جاڭاارقا اۋدانى اكىمىنىڭ ءباسپاسوز قىزمەتى حابارلادى. جالپى «قازپوشتا» اكتسيونەرلىك قوعامىنىڭ جۇمىسىنا اۋىلداعى اعايىن ءدان ريزا. زەينەتاقىسى زىر ەتىپ, كەشىكپەي كەلىپ جاتىر. حات-حابار, الەۋمەتتىك تولەمدەر ۋاقىتىلى تاسىمالدانىپ, ساپالى قىزمەتتەن «قازپوشتا» ءسۇرىنىپ تۇرعان جوق. دەرەككە سۇيەنسەك, قوس اۆتوكولىكتىڭ ءبىرى – قاراجات تاسۋعا, ەكىنشىسى – پوشتا تاسۋعا ارنالعان كولىكتەر ەكەن. ولار اتالعان اۋدانعا قاراستى اۋىلدارمەن قاتار, قاراجال قالاسى, جايرەم كەنتىنىڭ تۇرعىندارى ءۇشىن قىزمەت ەتەتىن بولادى. قوس كولىكتىڭ كىلتىن «قازپوشتا» اكتسيونەرلىك قوعامى وبلىستىق فيليالىنىڭ باسشىسى جانبوتا بوكەنوۆ تاپسىردى. جاڭاارقا اۋدانىنىڭ پوشتا بايلانىسى ءبولىمىنىڭ باسشىسى ايمان ءتاجيتوۆا وبلىستىق فيليالدىڭ باس­شىلىعىنا العىس ايتتى. ميراس اسان, «ەگەمەن قازاقستان» قاراعاندى وبلىسى, جاڭاارقا اۋدانى