ماڭىزدى سۇراقتارعا – ماعىنالى جاۋاپتار

پارلامەنت ءماجىلىسىنىڭ دەپۋتاتتارى امانجان جامالوۆ پەن ساپارحان وماروۆ اقتوبە وبلىسىنداعى دەنساۋلىق ساقتاۋ سالاسى قىزمەتكەرلەرىمەن كەزدەسىپ, پرەزيدەنت ۇندەۋى مەن جولداۋىندا قويىلعان مىندەتتەرگە بايلانىستى اڭگىمەلەر قوزعادى. بىرىنەن سوڭ ءبىرى ىلە-شالا قازاقستان حالقىنا ارنالعان بيىلعى جىلدىڭ بۇل ەكى قابىرعالى قۇجاتى ءبىرىن-ءبىرى تولىقتىرا تۇسۋىمەن قۇندى. ونىڭ ءبىرىنشىسى قازاقستان قوعامىن ساياسي تۇرعىدان جاڭعىرتۋ جانە دەموكراتيالاندىرۋدى ودان ءارى تەرەڭدەتۋگە ارنالسا, جولداۋدا نەگىزىنەن ەلىمىزدى ەكونوميكالىق تۇرعىدان جاڭعىرتۋ ىسىنە باسا كوڭىل بولىنگەن. ونىڭ باستى جولى جاھاندىق باسەكەگە قابىلەتتىلىكتى قامتاماسىز ەتۋ بولىپ تابىلادى. بۇل قالپاقپەن ۇرىپ الا قوياتىن وپ-وڭاي ءىس ەمەس. سوندىقتان دا مەملەكەت باسشىسى ونى ەكونوميكالىق ءوسىمنىڭ جاڭا مودەلىن قۇرۋ ارقىلى ىسكە اسىرۋ مىندەتىن قويدى. مۇنىڭ ءوزى رەسپۋبليكا وڭىرلەرىنە دە تىڭ ءارى سونى سەرپىن بەرۋگە ءتيىستى دەپ تۇجىرىمدادى ءوز ويلارىن پارلامەنت دەپۋتاتتارى. وسىلايشا ۇندەۋ مەن جولداۋدىڭ ماڭىزى مەن اتقاراتىن رولىنە تەرەڭ تالداۋ جاساعان بيلىكتىڭ زاڭ شىعارۋشى تارماعىنىڭ وكىلدەرى بۇدان كەيىن كەزدەسۋگە قاتىسۋشىلاردىڭ سان الۋان سۇراقتارىنا جاۋاپتار قايتاردى. ايتالىق, دۇنيەگە جاڭا كەلگەن ءسابي­گە ەك­پە جاساۋدان باس تارتقان اتا-انانى زاڭ جۇزىندە جاۋاپقا تارتۋعا بولا ما دەگەن ساۋالعا امان­­جان ماكارىم­ ۇلى: «بۇل ماسەلە حالىق­ارالىق كونۆەنتسيا نور­ما­لارىنان قاشىق كەتپەۋى كەرەك. ال مۇن­داي جاع­داي­دا زاڭعا سايكەس شارالار قول­دانۋ قاجەتتىگى قاراستىرىلماعان. سون­دىق­تان بۇل ارادا اتا-انالارمەن ءجۇر­گىزى­لەتىن تۇسىنىك جۇمىستارىنا با­سىم­دىق بەرىلۋى كەرەك», – دەپ جاۋاپ قايتاردى. سونداي-اق, ەلىمىزدە جەڭىل ونەر­كاسىپتىڭ دامۋى نەگە كەنجە قالىپ وتىر دەگەن ماسەلەگە ساپار­حان كەسىكباي ۇلى تاراپىنان: «ەلىمىزدە مۇنداي كىدىرىس بار ەكەنى راس. دەگەنمەن, رەسپۋبليكا ۇكىمەتىندە بەلگىلەنىپ وتىرعان كەيىنگى شارالار ونى ءبىر­شاما رەتتەۋدى كوزدەيدى. بۇل باعىت­تا شاعىن جانە ورتا بيزنەس وكىل­دەرى ءۇشىن ءبىرشاما جەڭىلدىكتەر قاراس­تىرىل­عان. ەڭ باستىسى, قازىرگى كۇنى جەڭىل ونەركاسىپ سالاسى بو­يىنشا شىعارىلاتىن تاۋارلاردى قايتكەندە باسەكەگە قابىلەتتى ەتۋگە بولادى دەگەن ماسەلەلەر ويلاستىرىلۋدا», – دەگەن ءتۇيىن جاسادى. تەمىر قۇسايىن, «ەگەمەن قازاقستان» اقتوبە