باسىمدىقتار بايىپتالعان باسقوسۋ

قازاقستان رەسپۋبليكاسى پارلامەنت ءماجىلىسىنىڭ دەپۋتاتتارى, «نۇر وتان» پارتياسى فراكتسياسى مۇشەلەرى ەر­جان قۇدايبەرگەن, كارىباي مۇسىرمان, باقتىقوجا ءىزمۇ­حام­بەتوۆ, جانات جاراسوۆ, ەرسۇلتان بەكتۇرعانوۆ, مۇحتار ەرمان مەن فاحريددين قاراتاەۆ ايماقتارعا جۇمىس ساپارى بارىسىندا شىمكەنت قالاسىنداعى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى ستۋدەنتتەرىمەن جانە وقىتۋشىلارىمەن كەزدەستى. كەزدەسۋ ەلباسىنىڭ «قا­زاق­ستاننىڭ ءۇشىنشى جاڭعى­رۋى: جاھاندىق باسەكەگە قابى­لەت­تى­لىك» اتتى حالىققا ارنا­عان جول­داۋى مەن ساياسي رەفور­ما­لار­دى ناسيحاتتاۋ ماقسا­تىن­دا ءوت­كىزىلدى. وقۋ ورداسىن­دا­عى كەز­دەسۋ بارىسىندا ەل­باسى جول­­داۋى جان-جاقتى ءتۇسىندى­رىلدى. دەپۋتات ەرسۇلتان بەك­تۇر­عانوۆ جولداۋداعى نەگىزگى باسىمدىقتار مەن بەرىلگەن تاپسىرمالاردى ناقتىلاي وتىرىپ: «ەلباسى جولداۋىندا جاڭا تالاپتارعا ساي جاڭا كادرلاردى دايارلاۋعا ۇلكەن كوڭىل بولىنگەن. بۇگىنگى تاڭدا جۇمىس بەرۋشىلەردىڭ تەرەڭ قيسىندى ويلاي الاتىن, جاڭا بىلىمدەردى قورىتۋعا قابىلەتتى ماماندارعا دەگەن قاجەتتىلىگى ارتقان. ءبىز سىزدەردەن جاڭا بۋىن تەحنيكاسى مەن تەحنولوگيالارىن جاساۋعا, عىلىمي-زەرتتەۋلەر مەن ازىرلەمەلەرگە كۇش جۇمسايدى دەگەن ءۇمىت ارتىپ وتىرمىز. سوندىقتان سىزدەر تەحنولوگيا, وسى زامانعا ساي يدەيالار, الەمنىڭ عىلىمي پروگرەسس جاڭالىقتارىنا كوڭىل بولۋلەرىڭىز كەرەك», – دەپ جاستارعا جول سىلتەدى. ءماجىلىس دەپۋتاتى كارىباي مۇسىر­مان ەلىمىزدەگى ساياسي رە­فورمانىڭ ماڭىز­دىلىعى تۋرالى ايتا كەلە: «بيلىك تارماقتارى ارا­سىندا وكىلەتتىكتەردى قاي­تا ءبولۋ – ەلدى جاڭعىرتۋعا باعىت­­تالعان ماڭىزدى قادام. بۇل رەفورما قازاقستاندىق مەم­لە­كەتتىلىك پەن دەموكراتيانى دامىتۋ جولىنىڭ قيسىندى جال­عاسى بولىپ, مەملەكەتتىك باس­قارۋ جۇيەسىنىڭ جاقسارۋىنا وڭ اسەر ەتەدى», – دەپ ءتۇسىندىردى. سونىمەن قاتار, ءماجىلىس دە­پۋتاتتارى جاستاردىڭ پات­ريو­­تيزمىنە, ءۇش ءتىلدى جەتىك مەڭگە­رۋگە اسا ءمان بەرەتىندىگى تۋرا­لى ايتتى. كەزدەسۋ بارىسىن­دا ستۋدەنت جاستار حالىق قالاۋ­لىلارىنا سۇراقتار قويىپ, تولىققاندى جاۋاپتار الدى. باقتيار تايجان, «ەگەمەن قازاقستان» وڭتۇستىك قازاقستان وبلىسى