ەڭبەك ونىمدىلىگى ەل ىشىندە تالقىلاندى

پارلامەنت سەناتىنىڭ دەپۋتاتتارى اسقار بەيسەنباەۆ, قۋانىش ايتاحانوۆ جانە ءالي بەكتاەۆ ەلباسى ن.نازارباەۆتىڭ جولداۋى مەن كونستيتۋتسيالىق رەفورمالار جونىندەگى ۇندەۋىن سەناتورلار وڭتۇستىك قا­زاقستان وبلىسىنىڭ اكىمى جان­سەيىت تۇيمە­باەۆپەن كەزدەسىپ, جول­داۋدان تۋىندايتىن ءمىن­دەت­تەر اياسىندا ايماقتى ءور­كەندەتۋ جانە وڭتۇستىك ولكەنىڭ الەۋ­مەت­تىك-ەكونوميكالىق دامىتۋ ماسە­لەلەرىن تالقىلادى. سەنات دەپۋتاتى قۋانىش اي­تا­حانوۆ ماقتاارال اۋدانىندا بول­عان كەزدە جەتىساي قالاسىندا اۋ­دان اكتيۆىمەن, ءماسليحات دەپۋ­تات­تارىمەن جانە اۋدان ەڭبەككەرلەرىمەن جۇزدەستى. سەنات دەپۋتاتى بيىلعى جولداۋدىڭ باسىم باعىتتارى, ونىڭ ىشىندە اۋىل شارۋاشىلىعىن دامىتۋعا ارنالعان نەگىزگى مىندەتتەرگە توقتالدى. «سۋارمالى ەگىنشىلىك ەڭ دامىعان ماقتاارال اۋدانى مەملەكەتىمىزدىڭ ستراتەگيالىق ماڭىزى بار ايماق. كەيىنگى جىلدارى سۋ تاپشىلىعى پايدا بولعانى تۋرالى اۋىل شارۋاشىلىعى ءمينيسترى ا.مىرزاحمەتوۆكە دەپۋتاتتىق حات جولداپ, وتكىر ماسەلەنىڭ بيىل شەشىلەتىنى تۋرالى جاۋاپ الدىم», – دەدى سەناتور. ق.ايتاحانوۆتىڭ شاردارا اۋدانىندا جەرگىلىكتى تۇرعىندارمەن كەزدەسكەن كەزدە ەلباسىنىڭ جولداۋىندا ايتىلعان بەس باسىم باعىتتىڭ ارقايسىسىنا جەكە-جەكە توقتالىپ, جان-جاقتى ءتۇسىندىردى. ول جولداۋدا ايتىلعان ەڭبەك ونىمدىلىگىن ارتتىرۋ, كاسىپكەرلىكتى دامىتۋ, الەۋمەتتىك سالانى قولداۋ ماسەلەلەرى بويىنشا ناقتى مىسالدارمەن جان-جاقتى تالداي وتىرىپ ايتىپ بەردى. عالىمجان ەلشىباي, «ەگەمەن قازاقستان» وڭتۇستىك قازاقستان وبلىسى