جولداۋدا اۋىل شارۋاشىلىعى مينيسترلىگىنە 6 مىندەت جۇكتەلدى

ەلباسىنىڭ بيىلعى قازاقستان حالقىنا جولداۋىندا اۋىل شارۋاشىلىعى مينيسترلىگى الدىنا 6 مىندەت قويىلدى. بۇل تاپسىرمالاردىڭ ورىندالۋى اگرارلىق سەكتوردىڭ ەل ەكونوميكاسىنىڭ جاڭا قوزعاۋشى كۇشىنە اينالۋىنا مۇمكىندىك بەرۋى ءتيىس. كەشە ۇكىمەت ۇيىندە وتكەن ءباسپاسوز ءماسليحاتىندا اۋىل شارۋاشىلىعى سالاسىندا قولعا الىناتىن وسى شارالار جايىندا ايتىلدى. ءباسپاسوز ءماسليحاتىنا اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋ­عانوۆ, سۋ رەسۋرستارى ءجونىن­دەگى كوميتەت توراعاسى يسلام ءابى­شەۆ, ۆەتەرينارلىق باقى­لاۋ جانە قاداعالاۋ كومي­تەتى توراعاسىنىڭ مىندە­تىن ات­قارۋشى تۇرسىن قابدول­دانوۆ, ستراتەگيالىق جوسپارلاۋ جانە تالداۋ دەپارتامەنتى ديرەكتورىنىڭ ورىنباسارى اسەل رامازانوۆا قاتىستى. ق.ايتۋعانوۆتىڭ ءمالىم­دەۋ­ىنشە, قازاقستاندا اگرو­ونەر­كاسىپتىك كەشەن ەلىمىزدىڭ جاڭا ەكونوميكالىق قوزعاۋ­شى كۇشىنە اينالۋى ءۇشىن ءبىر­قاتار شارالاردى ىسكە اسىرۋ جوسپارلانعان. بىرىنشىدەن, سۋبسيديا ءبولۋ قاعيدالارىن قايتا قاراۋ جانە بىرتىندەپ ساقتاندىرۋعا كوشۋ قاجەت. جاڭا ەرەجەلەر قازىرگى ۋا­قىت­تا ازىرلەنىپ جاتىر. ول جۋىر­دا قابىلدانباق. سو­نىڭ ناتيجەسىندە, ءتيىمسىز سۋب­سيديالاردىڭ 11 ءتۇرى الى­نىپ تاستالادى. ال ودان ۇنەم­دەلگەن قاراجاتتىڭ كولەمىمەن وندىرۋشىلەردى مەملەكەتتىك قولداۋ شارالارىمەن قامتۋ 7,5 ەسەگە ۇلعايادى. سونداي-اق, كووپەراتيۆتەر قۇرۋ باعىتىندا دا بىرقاتار ما­ڭىزدى جۇمىستار قولعا الىن­باق. بۇل ەكىنشى باعىت. ماسە­لەن, بەس جىلدا 500 مىڭ جەكە قو­سالقى شارۋاشىلىقتار مەن شاعىن فەرمالاردى كووپەراتيۆتەرگە بىرىكتىرۋ ءۇشىن بارلىق جاعداي جاساۋ قاجەت. قازىرگى ۋاقىتتا 154 كووپەراتيۆ قۇرىلعان, ولاردىڭ بازا­سىندا 100-دەن استام ءسۇت قابىل­داۋ پۋنكتى مەن 7 مىڭ وتباسى­لىق مال بورداقىلاۋ الاڭى ۇيىم­داستىرىلعان. اعىمداعى جىلى قۇرىلاتىن كووپەراتيۆتەر سانى ەكى ەسەگە ۇلعايادى. ۇشىنشىدەن, اۋىل شارۋا­شى­لىعى ونىمدەرىن قايتا وڭدەۋ دەڭگەيىن ارتتىرىپ, ساقتاۋ, تا­سىمالداۋ جانە وتكىزۋدىڭ ءتيىم­دى جۇيەسىن قۇرۋ كەرەك. قا­جەتتى ينفراقۇرىلىمدى قۇرۋ جونىندەگى جۇمىستار باس­تالدى, دەدى ۆيتسە-مينيستر. تورتىنشىدەن, ەڭبەك ءونىم­دى­لىگىنىڭ دەڭگەيىن ارتتىرىپ, وندىرىستىك شىعىنداردى ازايتۋ كەرەك. بۇل تۇرعىدان العاندا ۆەدومستۆو تەحنولوگيالاردى جاڭعىرتۋ مەن ترانسفەرتتەۋگە نازار اۋدارماق. وتكەن جىلى ءتيىستى ماماندار تارتىلعان اگروتەحنولوگيالاردىڭ ارنايى ترانسفەرت ورتالىعى قۇرىلعان. بەسىنشىسى, جەردى پايدالانۋ تيىمدىلىگىن ارتتىرۋ ماسەلەسى ايتىلدى. بۇل رەتتە بەس جىل ىشىندە سۋارمالى جەر كولەمىن 40 پايىزعا ۇلعايتۋ كوزدەلىپ وتىر. وسىلايشا ونى 2 ملن گەك­تار دەڭگەيىنە دەيىن جەتكىزۋ كەرەك. اۋىل شارۋاشىلىعى مينيستر­لىگى 600 مىڭ گەكتاردان استام اۋىل­شا­رۋاشىلىق جەرلەرىن اينالىمعا تارتۋ جونىندەگى شارالاردى ىسكە اسىرۋ جۇمىستارىنا كىرىسىپ كەتتى. بۇل ءوز كەزەگىندە سۋارمالى جەر كولەمىن دە ۇلعايتۋعا مۇمكىندىك بەرەدى. ناتيجەسىندە, اۋىلشارۋاشىلىق ونىمدەرى ءوندىرىسىنىڭ دەڭگەيىن ارتتىرۋعا جول اشىلادى. ال التىنشىسى, وندىرىستە سۇ­رانىسقا يە بولاتىن اگرار­لىق-عىلىمي زەرتتەۋلەرگە ينۆەستيتسيالار كولەمىن ۇلعايتۋ جايى. ۆيتسە-ءمينيستردىڭ ءمالىم­دەۋىنشە, قازىرگى تاڭدا الماتى­داعى ۇلتتىق اگرارلىق ۋنيۆەرسيتەت پەن استاناداعى قازاق اگرو­تەحنيكالىق ۋنيۆەرسيتەتى بازا­سىندا حالىقارالىق دەڭگەي­دەگى ەكى اگرارلىق ورتالىقتى قۇرۋ جۇمىستارى باستالعان. جولداۋدا سونىمەن قاتار, 2021 جىلعا قاراي اۋىل­شا­رۋا­شىلىق ءوندىرىسىن ءارتاراپ­تاندىرۋ ارقىلى ازىق-ت ۇلىك تاۋارلارىنىڭ ەكسپورتىن 40 پايىزعا ۇلعايتۋ تاپسىرىلعانى بەلگىلى. بۇل باعىتتا ماقساتتى ينديكاتورلار انىقتالعان, سونى نەگىزگە الا وتىرىپ, 2017 جىلى ەكسپورتتى 10 پايىزعا ۇلعايتۋ كوزدەلۋدە. دينارا بىتىكوۆا, «ەگەمەن قازاقستان»