وڭتۇستىك قازاقستاندا جۇمىسسىز جاستاردىڭ قاتارى ارتىپ بارادى

شىمكەنتتە جوعارى وقۋ ورنىن بىتىرگەن جاس ماماندار جۇمىسسىزداردىڭ سانىن ارتتىرىپ وتىر, دەپ حابارلادى 24.kz. تەحنيكالىق ءبىلىم العان ستۋدەنتتەردىڭ ءوزى ماماندىقتارىن وزگە سالاعا اۋىستىرۋعا ءماجبۇر. ال «سەرپىن» باعدارلاماسىمەن ەلىمىزدىڭ وڭتۇستىگىنەن سولتۇستىگىنە اتتانعانداردىڭ الدى كۇنگەيگە قايتا ورالعان. كەيبىرەۋلەرى اۋا رايىنا بەيىمدەلە الماعان. ەكى قولعا ءبىر كۇرەك تاپپاي جاتقاندار دا بار. جاستار دەپۋتاتتارعا وسى ماسەلەلەردى ايتتى. م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە وتكەن جيىندا ەلباسىنىڭ حالىققا باعىتتاعان جولداۋى مەن ۇندەۋى قاتار تالقىعا سالىندى. «بۇل جولداۋدا نەگىزگى ماسەلە – ەلىمىزدىڭ ەكونوميكاسىن جاڭا ساتىعا, جوعارى دەڭگەيگە كوتەرىلۋى. مۇنىڭ ىشىندە بىرنەشە باسىم باعىتتار كورسەتىلگەن. العا قويىلىپ وتىرعان ۇلكەن ماقسات – ەڭبەك ونىمدىلىگىن ارتتىرۋ. جالپى ىشكى ءونىمنىڭ كولەمىن الدەقايدا ءوسىرىپ, ەل ەكونميكاسىنداعى كورسەتكىشتەردىڭ بارلىعى باسقا دارەجەگە كوتەرۋ قارالىپ وتىر», – دەدى قر پارلامەنتى ءماجىلىسىنىڭ دەپۋتاتى باقتىقوجا ىزمۇحامبەتوۆ.