گولوۆكين مەن مەيۋەزەر بيىل جەكپە-جەككە شىعا ما؟

تانىمال گولليۆۋدتىق اكتەر كيت ميددلبرۋك بەس سالماق بويىنشا الەمنىڭ بۇرىنعى چەمپيونى كىشى فلويد مەيۋەزەر مەن قازاقستاندىق بوكسشى گەننادي گولوۆكين اراسىنداعى كەزدەسۋ قاشان بولاتىنىن ايتىپ بەردى. بۇل تۋرالى vesti.kz حابارلادى. بۇعان دەيىن ميددلبرۋك رەسمي تۇردە ءوزىنىڭ تۆيتتەر-پاراقشاسىنا وسى كەزدەسۋدىڭ جارناماسىن جاساعان بولاتىن. ونىڭ مالىمەتى بويىنشا, بوكسشىلار بيىل جازدا اقش-تا كەزدەسەدى ەكەن. «ەكى جاق كەلىسىمگە كەلدى. جۋىق ارادا سىزدەر مۇنى جاڭالىقتاردان ەستيتىن بولاسىزدار. باستىسى بۇل تۋرالى ەڭ ءبىرىنشى بولىپ مەن اقپارات تاراتتىم. وسىنى ۇمىتپاڭىزدار. سىزدەر مەنىڭ ايتقانىمدى اينا قاتەسىز ايتۋلارىڭىزعا بولادى. فلويد پەن GGG اراسىنداعى جەكپە-جەك 2017 جىلدىڭ ماۋسىمىندا لاس-ۆەگاستا وتەدى», – دەيدى ميددلبرۋك. اكتەردىڭ ايتۋىنشا, قوس بوكسشى 149 فۋنتتا شارشى الاڭعا شىقپاق. مۇنداي جاعدايدا قازاقستاندىق بوكسشى 10 فۋنتقا سالماعىن ازايتۋى ءتيىس. «مەنىڭشە, فلويد گولوۆكيندى وڭاي جەڭەدى. سەبەبى, بۇل سالماقتا ءوزىن ەركىن سەزىنەدى. ول ءوز جەكپە-جەكتەرىنە باسقا بوكسشىلارعا قاراعاندا جاقسىراق دايىندالادى», – دەدى ميددلبرۋك. ايتۋىنا قاراعاندا, ول كىشى فلويد مەيۋەزەرمەن ون جىلدان بەرى تىعىز ارالاسىپ كەلەتىن كورىنەدى. ال كينو الەمىندە بۇگىنگە دەيىن 35 فيلمدە ءتۇرلى رولدەردى سومداعان. ەستەرىڭىزگە سالا كەتەيىك, گولوۆكين 18 ناۋرىزدا نيۋ-يورك قالاساسىندا Madison Square Garden ارەناسىندا امەريكالىق بوكسشى دەنيەل دجەيكوبسپەن (32-1-0, 29 كو) جۇدىرىقتاساتىن بولادى.