«قازاقستان» تەلەراديوكورپوراتسياسىنا جاڭا باسشى تاعايىندالدى

«قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامى» باسقارما توراعاسى بولىپ ەرلان تىنىمباي ۇلى قارين تاعايىندالدى دەپ حابارلايدى egemen.kz. جاڭا باسشىنى ۇجىمعا اقپارات جانە كوممۋنيكاتسيالار ءمينيسترى داۋرەن اباەۆ تانىستىردى. "ەرلان تىنىمباي ۇلى ءبىل­ىكتى ساياساتتانۋشى, يد­ەولوگ, ەلىمىزدىڭ شىنا­يى پاتريوتى رەتىندە ك­وپشىلىككە جاقسى تانىس­ ەكەنىنە ەش كۇمانىم ج­وق. ەندىگى جەردە وعان ەلى­مىزدەگى ەڭ ءىرى مەديا ­قۇرىلىمنىڭ جۇمىسىن ود­ان ءارى دامىتۋ تاپسىرى­لىپ وتىر. ەرلان تىنىمباي ۇلى بۇع­ان دەيىنگى ىرگەلى شار­الاردى ودان ءارى جالعاستىرىپ, كورپوراتسيانى ­جاڭا دەڭگەيگە كوتەرەد­ى دەپ سەنەمىن" دەدى مينيستر. ەرلان تىنىمباي ۇلى قارين 1976 جىلى 26 مامىردا وڭتۇستىك قازاقستان وبلىسى, سايرام اۋدانى, اقسۋ اۋىلىندا تۋعان. 1997 جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن تاريح ماماندىعى بويىنشا, ال 1999 جىلى ءال-فارابي اتىنداعى قازۇۋ-ءنىڭ فيلوسوفيا جانە ساياساتتانۋ فاكۋلتەتىنىنىڭ اسپيرانتۋراسىن تامامداعان. ساياساتتانۋ عىلىمدارىنىڭ كانديداتى (ديسسەرتاتسيا تاقىرىبى: "قازاقستان رەسپۋبليكاسىنىڭ ۇلتتىق قاۋىپسىزدىگىندەگى ىشكى ساياسي اسپەكتىلەر"). 1996—1998 جىلدارى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىندە ساباق بەردى. 1998—2000 جىلدارى قازاقستاننىڭ دامۋ ينستيتۋتىنىڭ ساياسي زەرتتەۋلەر ورتالىعىندا قىزمەتكەر, رەسەي جانە قىتاي ينستيتۋتى ديرەكتورىنىڭ ورىنباسارى. 2000-2003 جىلدارى – ورتالىق ازيا ساياسي زەرتتەۋلەر اگەنتتىگىنىڭ ديرەكتورى. 2003-2004 جىلدارى – «اسار» رەسپۋبليكالىق پارتياسى توراعاسىنىڭ ورىنباسارى. 2004-2006 جىلدارى – انتيتەررورلىق باعدارلامالار ورتالىعىنىڭ جەتەكشىسى. 2006 جىلى ماڭعىستاۋ وبلىسىنىڭ اكىمى قىرىمبەك كوشەرباەۆتىڭ قوعامدىق جانە ساياسي ماسەلەلەر جونىندەگى كەڭەسشىسى. 2008 جىلدىڭ اقپان ايىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن پرەزيدەنت اكىمشىلىگى ىشكى ساياسات ءبولىمىنىڭ مەڭگەرۋشىسى بولىپ تاعايىندالدى. 2008-2013 جىلدارى – نۇر-وتان پارتياسىنىڭ ستراتەگيالىق دامۋ جونىندەگى حاتشىسى. 2014 جىلدىڭ 16 قازانىندا قر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى بولىپ تاعايىندالدى. ۇيلەنگەن, بەس قىز, ءبىر ۇلى بار. كورپوراتسيانىڭ بۇرىنعى جەتەكشىسى كەمەلبەك ويشىباەۆ 2016 جىلدىڭ 1 قازانىندا تاعايىندالىپ, ءتورت ايدان كەيىن قىزمەتتەن كەتكەن بولاتىن.