قاراعاندى وبلىسى نۇرا اۋدانى اكىمىنىڭ 26 جاسار ۇلى قاراعاندى قالاسى اكىمىنىڭ اپپارات باسشىسى قىزمەتىنە تاعايىندالدى, دەپ حابارلايدى قاراعاندى اكىمدىگىنىڭ ءباسپاسوز قىزمەتى.
«باقتيار ومارحانوۆتىڭ ەكى جوعارى ءبىلىمى بار - ەكونوميكا جانە زاڭ سالاسىن جەتىك مەڭگەرگەن. سونداي-اق, ول ەكونوميكا عىلىمدارىنىڭ ماگيسترى. مەملەكەتتىك قىزمەتتە 2011 جىلدان بەرى قىزمەت ەتۋدە. قاراعاندى وبلىستىق ونەركاسىپ جانە يندۋستريالدى-يننوۆاتسيالىق دامۋ باسقارماسىنىڭ باس مامانى رەتىندە جۇمىس جاساعان. 2014 جىلدان قازىرگى تاعايىنداۋعا دەيىن «قازاگروماركەتينگ» اق قاراعاندى ءبولىمىنىڭ ديرەكتورى لاۋازىمىن اتقارعان», - دەلىنگەن حابارلامادا.
باقتيار ومارحانوۆ نۇرا اۋدانىنىڭ اكىمى نيقانباي ومارحانوۆتىڭ ۇلى. قاراعاندى اكىمى نۇرلان اۋباكىروۆ جاڭا باسشىنى ۇجىمعا تانىستىرىپ, جاڭا قىزمەتىنە تابىس تىلەدى.
