2016 جىلى ەgov.kz ارقىلى 41 ملن قىزمەت ءتۇرى جۇزەگە اسىرىلدى

بۇگىندە «ەلەكتروندىق ۇكىمەت» ينفراقۇرىلىمى   ارقىلى  761 ەلەكتروندىق قىزمەت  جۇزەگە اسىرىلۋدا – بۇل  ەgov ۆەب-پورتالىنىڭ 240 ەلەكتروندىق قىزمەتى, ەلەكتروندىق رۇقسات ەتىلىم بويىنشا 86 قىزمەتى ءتۇرى مەن  435 ەلەكتروندىق شەشىمنىڭ بەرىلۋى. بۇل تۋرالى اقپارات جانە كوممۋنيكاتسيا ءمينيسترى داۋرەن اباەۆ اقپارات جانە كوممۋنيكاتسيا مينيسترلىگىنىڭ كەڭەيتىلگەن وتىرىسىندا ايتتى. «2016 جىلى پورتال ارقىلى 41 ملن قىزمەت ءتۇرى  جۇزەگە اسىرىلدى. سونىمەن قاتار, موبيلدىك قوسىمشا ارقىلى دا جۇمىستار ىسكە اسىرىلۋدا. قازىرگى تاڭدا اتالمىش فورماتتا  قىزمەتتىڭ 83 ءتۇرى بار. «ازاماتتارعا ارنالعان ۇكىمەت» مەمكورپوراتسياسى بىرىڭعاي قولجەتىمدىلىك نۇكتەسى ارقىلى قىزمەتتىڭ  77 پايىزىن ۇسىنىپ وتىر. 2016 جىلى مەملەكەتتىك كورپوراتسيا  36 ملن قىزمەت ءتۇرىن ۇسىندى», - دەدى د.اباەۆ. سونىمەن قاتار مينيستر وتكەن ايدا بىرىكككەن اراب امىرلىگىنىڭ ۇكىمەتى ەgov.kz موبيلدىك قوسىمشاسىن «ۇزدىك موبيلدىك ۇكىمەت قىزمەتى» سىيلىعىنا ۇسىنعانىن ايتتى. «جوعارعى ساپا جانە مەملەكەتتىك  قىزمەتتىڭ قاراپايىمدىلىعى مينيسترلىك ماقساتىنىڭ  باسىم باعىتى بولىپ تابىلادى», - دەدى د.اباەۆ.