داۋرەن اباەۆ مەملەكەتتىك باسىلىمدارعا جۇكتەلەتىن مىندەتتەردى اتادى

قر اقپارات جانە كوممۋنيكاتسيالار مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى داۋرەن اباەۆ 2017 جىلى مەملەكەتتىك باسپا اقپارات قۇرالدارىنىڭ الدىندا تۇرعان بىرقاتار مىندەتتەرگە توقتالدى. «ەڭ الدىمەن ساراپتاماعا, تالداۋ ماتەريالدارىنا كوپتەپ ورىن بەرۋى قاجەت. وزدەرىڭىز تۇسىنەسىزدەر, بۇگىنگى كۇنى وتە تەز اقپارات تاراتىلادى. سوندىقتان سول اقپاراتتار مازمۇنى مەن ساراپتاماسىنا ساي بولۋى ءتيىس. تاعى ءبىر مىندەت - شەتەلدەردەن فريلانسەرلەر تارتۋ جولدارىن قاراستىرۋ قاجەت. سونىمەن بىرگە شەتەلدىڭ تالداۋشى ماماندار پۋلى مۇمكىندىگىن مەيلىنشە ءتيىمدى پايدالانۋ قاجەت», - دەپ اتاپ ءوتتى اباەۆ. سونىمەن قاتار ول بىرنەشە باسىلىمنىڭ باسىن قوسىپ وتىرعان «قازاق گازەتتەرى» مەن «جاس وركەننىڭ» باسشىلىعىنا دا ماڭىزدى مىندەت جۇكتەلەتىندىگىن ايتتى. «ولار: وڭىرلەرمەن جۇمىستى كۇشەيتۋ, «درۋجنايا رەبياتا» جانە «ۇلان» گازەتتەرىن بۇگىنگى وقىرماننىڭ تالابى مەن بالالاردىڭ سۇرانىسىنا ساي بەيىمدەۋ, ينتەرنەتتە جۇمىستى كۇشەيتۋ, ونىڭ ىشىندە رەديزاين جۇرگىزۋ, الەۋمەتتىك جەلىلەردە وقىرماندى ۇلعايتۋ», - دەدى مينيستر.   «باسپا باسىلىمدارىن دامىتۋ جۇمىستارى شەڭبەرىندە 2016 جىلى «ەگەمەن قازاقستان» جانە «كازاحستانسكايا پراۆدا» گازەتتەرىنە رەديزاين جاسالدى. قازىرگى كۇنى بۇل گازەتتەر تولىقتاي ءتۇرلى-ءتۇستى فورماتتا جارىق كورۋدە. باسىلىمداردىڭ بەت-بەينەسى زامانعا ساي وزگەرتىلىپ, سونىمەن قاتار, سايتتارى دا جاڭعىرتۋدان وتكىزىلدى», - دەدى ول.