ديماش تاعى دا 3-ورىن الدى

ديماش قۇدايبەرگەن قىتايدا ءوتىپ جاتقان «I am a singer» بايقاۋىنىڭ ءتورتىنشى كەزەڭىندە دە ءۇشىنشى ورىن يەلەندى. بۇل تۋرالى قازاقپارات حابارلادى. ءبىرىنشى ورىندى «سياو تسزينتەن شيتسزى» («Lion») توبى السا, ەكىنشى ورىندى لين يليان يەلەندى. ۇزدىك ۇشتىكتى ديماش قۇدايبەرگەن تۇيىندەدى. ءتورتىنشى – دۋ ليشا, بەسىنشى – چجان تسزە, التىنشى – تان تسزين ء(ۇشىنشى كەزەڭدە ءبىرىنشى ورىن العان بولاتىن) جانە جەتىنشى – چجاو لەي. «Weibo» الەۋمەتتىك جەلىسىندەگى ديماشتىڭ جۇمىس توبىنىڭ پاراقشاسىندا بايقاۋدىڭ 4-كەزەڭىندەگى سۋرەتتەر جاريالاندى. بۇعان دەيىن «سينحۋا» اگەنتتىگى بايقاۋدىڭ 4-كەزەڭىندە ديماشتىڭ قىتاي تىلىندەگى ءاندى اكتسەنتسىز ورىنداپ بەرگەنىن حابارلاعان بولاتىن. مالىمەتتەر بويىنشا, «I am a singer» بايقاۋىنىڭ ءتورتىنشى كەزەڭى 2 اقپان كۇنى جازىلعان ەدى. ول تەلەارنالاردان 11 اقپان كۇنى استانا ۋاقىتىمەن ساعات 20:30-دا كورسەتىلەدى. ديماشتىڭ بۇل كەزەڭ ءۇشىن تاڭداعان «كۇزگى مۇڭ» ءانىن 2013 جىلى «I am a singer» بايقاۋىندا قىتايلىق ءانشى شا باوليان ورىنداعان بولاتىن. كەشە قازاقستاندىق جاس تالانت يەسىنىڭ اناسى سۆەتلانا ايتباەۆا ونىڭ اتالمىش بايقاۋ بارىسىندا قازاق تىلىندە دە ءان ايتاتىنىن جەتكىزدى. ايتا كەتەيىك, ديماش جارىستىڭ العاشقى ەكى كەزەڭىندە «SOS d’un terrien en détresse» جانە «وپەرا 2» اندەرىن ورىنداپ ءبىرىنشى ورىن العان. ال ءۇشىنشى اينالىمدا «Show must go on» تۋىندىسىن شىرقاپ, ءۇشىنشى ورىنعا يە بولعان.