قاھارمان ۇلدىڭ قابىرى قاراۋسىز قالمايدى

ەل گازەتى «ەگەمەن قازاق­ستان­­­­­نىڭ» وتكەن جىلدىڭ 17 تا­مى­زىن­­دا­­عى سانىندا جۋرناليست راۋشان نۇع­مان­بەك­و­ۆانىڭ «قاھار­مان­نىڭ زي­راتى قاراۋسىز قال­دى» دەگەن ماقالاسى جا­رىق كورگەن ەدى. ول ما­قا­لادا حالىق قاھارمانى قايرات رىس­قۇلبەكوۆتىڭ زيرا­تى­­نىڭ ءبىراز جەرى ۇگىتىلىپ, جاع­دايى ءتو­­­مەندەپ كەت­­كەندىگى جانە ەرەكشە كۇ­تىمگە الۋ قاجەتتىگى تۋرالى اي­تى­لعان-تىن. ماقالا شىققان سوڭ سەمەي قا­لا­سىنداعى جەلتوقسان وقي­عا­سىنا قاتىسۋشىلارعا قازاق­ستان­نىڭ تۇكپىر-ءتۇ­ك­پى­رى­نەن كوپتەگەن ادامدار حابارلا­سىپ, الاڭداۋشىلىق ءبىل­دىردى. ءبىز 2016 جىلدىڭ 16 جەل­توق­سا­نى كۇنى جەلتوقسان وقي­عا­­سىنىڭ 30 جىلدىعى جانە قايرات رىسقۇلبەكوۆتىڭ 50 جاس­قا تولۋى­نا بايلانىستى, قالا سىرتىن­دا ورنالاسقان قاھارماننىڭ زيراتى­نىڭ باسىنا باردىق. تاۋەلسىزدىك ءۇشىن قۇربان بولعان قايراتتىڭ رۋ­حىنا ارناپ, قۇران-قاتىم با­عىشتادىق. سول جەرگە ءبىر توپ جەل­­توقسانشى, ياعني بىزبەن ءبىر­گە ما­ڭايداعى حالىق تا كە­لىپ, جينالىپ, ونىڭ ارۋاعىنا تاع­زىم ەتتى. شىنىندا دا, زيراتتىڭ توزىپ بارا جاتقاندىعىن, تاس­تا­رىنىڭ سىن­عاندىعىن, مۇلدە قا­راۋسىز قال­عاندىعىن ءوز كوزىمىزبەن كور­دىك. بىراق, قازىر قىس ۋاقىتى بولعاندىقتان, سىقىرلاعان سارى اياز بىردەن جوندەۋ جۇمىستارىن باس­تاپ كەتۋگە مۇمكىندىك بەرمەدى. سون­دىقتان دا كۇن جىلىنا كە­لە حالىق قاھارمانى قايرات رىس­قۇلبەكوۆتىڭ زيراتىن تو­لىق­تاي ءجون­دەپ شىقپاقپىز. سەمەي جەرى – ۇلى اباي, شاكارىم, مۇحتاردىڭ اياۋلى ال­تىن بەسىگى, قاسيەتتى تو­پى­راق. كۇنى كەشە الاش ارىس­تا­رى ءاليحان بوكەيحانوۆ, اح­مەت بايتۇرسىن ۇلى, جۇسىپبەك اي­ما­ۋىتوۆ, ماعجان جۇماباەۆتى دا قيىن-قىستاۋ كەزەڭدە باۋى­رى­نا باسىپ, پانا­لات­قان. ولاي بول­سا, قاسيەتتى ەل قايراتتاي ۇلىن دا دالاعا تاس­تاماي­تى­نى­نا سەنىڭىزدەر. ونىڭ زي­راتى قا­راۋسىز قالمايدى. ماسە­لەنى دەر كەزىندە كوتەرگەن ەل گازەتى «ەگەمەن قازاقستانعا», رەداكتسيا ۇجى­مىنا قازاقستانداعى بار­لىق جەلتوقسانشىلار اتىنان ءۇل­كەن راحمەتىمىزدى ايتامىز. ءار­دايىم حالىق يگىلىگىنە قىزمەت ەتە بەرىڭىزدەر. باقىتجان وراقباەۆ, ءى دارەجەلى پروكۋراتۋرا وزاتى, پروكۋراتۋرا ورگاندارىنىڭ زەينەتكەرى سەمەي