بۇل – احۋالدى رەتتەۋگە قوسىلعان ناقتى ۇلەس

استاناداعى سيريا جونىندەگى كەزدەسۋ قورىتىندىسى بويىنشا قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى تۇسىنىكتەمە بەردى. وندا بىلاي دەلىنەدى: «اس­تا­نادا رەسەيدىڭ, تۇركيا مەن يراننىڭ جوعارى دەڭگەيدەگى ساراپ­شىلارى بۇرناعى كۇنى استانا پروتسەسى اياسىندا سيريا ۇكىمەتى مەن اسكەري وپپوزيتسيالىق توپتار اراسىنداعى كەلىسسوزدەردىڭ بىرلەسكەن تەحنيكالىق توبىنىڭ العاشقى وتىرىسىن وتكىزدى. سونىمەن قاتار, وعان بىرىككەن ۇلتتار ۇيىمى مەن يوردانيا دەلەگاتسياسى قاتىستى. ىسكەرلىك جانە سىندارلى جاع­دايدا وتكەن بۇل كەزدەسۋ سيريا­داعى سوعىستى توقتاتۋ رەجى­مىن ورنىقتىرۋ ماسەلەلەرىن تال­قىلاۋ ءۇشىن قۇرىلعان استا­نا پلاتفورماسىنىڭ قاجەتتى­لىگىن كورسەتتى, ونىڭ قازاقستان پرە­زيدەنتى نۇرسۇلتان نازارباەۆتىڭ قولداۋى مەن بەدەلىنىڭ ارقاسىندا قۇرىلعانى بەلگىلى. ەلباسىنىڭ بىتىمگەرشىلىك باستامالارى مەن شيەلەنىسكەن جاعدايلاردى رەتتەۋ مەن الەم ەلدەرىنىڭ اراسىنداعى تەكەتىرەستى جۇمسارتۋعا قوسقان سۇبەلى ۇلەسى حالىقارالىق ارەنادا كەڭىنەن تانىمال». قازاقستاننىڭ سىرتقى ىستەر مينيسترلىگى, سونداي-اق, بۇۇ باس حاتشىسىنىڭ ارنايى وكى­لى ستاففان دە ميستۋرانىڭ قول­داۋى­مەن جانە ونىڭ بەلسەندى قاتىسۋىمەن ۇيىمداستىرىلعان سيرياداعى احۋالدى رەتتەۋ ءجونىن­دەگى استاناداعى كەزدەسۋ جە­نەۆا پروتسەسىن قولداۋعا باعىت­تالعانىن اتاپ وتكەن. وسى ورايدا, تەحنيكالىق توپتىڭ شامامەن ۇستىمىزدەگى جىلعى 15-16 اقپانعا جوسپارلانىپ وتىرعان كەلەسى وتىرىسى بۇۇ اياسىندا جەنەۆا بەيبىت كەلىسسوزدەرىنىڭ كەزەكتى راۋندىن وتكىزۋگە قاجەتتى جاعداي جاساۋعا مۇمكىندىك بەرەدى دەپ سەنەمىز, دەلىنگەن تۇسىنىكتەمەدە. تۇسىنىكتەمەنىڭ قورى­تىن­دى­سىندا مۇددەلى تاراپتاردىڭ كەزدەسۋى ءۇشىن قازاقستاننىڭ الاڭ ۇسىنۋى جانە استانانى ءبىتىم­­گەرشىلىك كىندىگى رەتىندە كور­سەتۋ ءبىزدىڭ ەلىمىزدىڭ 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سيريا احۋالىن رەتتەۋ پروتسەسىنە قوسقان ناقتى ۇلە­سى بولىپ تابىلاتىنى اتاپ كورسە­تىلدى. «قازاقستان وڭىرلىك جانە جا­ھاندىق قاۋىپسىزدىكپەن بايلانىس­تى ماسەلەلەردى ءىس جۇزىندە شەشۋ ءۇشىن بارلىق كۇش-جىگەرىن جۇمساپ, دايەكتى تۇردە قادام جاسايتىن بولادى», دەلىنگەن تۇسىنىكتەمەنىڭ سوڭىندا.