سەربيالىق ديپلوماتپەن كەزدەستى

كەزدەسۋدە گۇلشارا ءابدى­قا­لىقوۆا: «سوڭعى جىلدارى قازاقستان مەن سەربيا ارا­سىنداعى قارىم-قاتىناستار ساياسي, ەكونوميكالىق جانە ءما­دەني-گۋمانيتارلىق سالالاردا سەرپىندى دامىپ كەلە جا­تىر. سەربيا پرەزيدەنتىنىڭ قا­زاقستانعا ساپارى بارىسىندا ناقتى ۋاعدالاستىقتارعا قول جەتكىزىلدى. قازاقستان پرە­زي­­دەنتىنىڭ سەربياعا ساپارى كەزىن­دە دە بىرقاتار ماڭىزدى كەلى­سىمدەرگە قول قويىلدى. ءبىزدىڭ ەلىمىزگە سەربيانىڭ پرە­مەر-ءمينيسترى دە كەلىپ, ەكو­نو­ميكالىق قاتىناستارعا وڭ ىقپال ەتەتىن شەشىمدەر جاسالدى. الداعى ۋاقىتتا سىزدەردىڭ ەل­­دەرىڭىزدىڭ پارلامەنت ءتورا­عا­سىنىڭ دا ساپارىن كۇتۋ­دەمىز», – دەدى. مەملەكەتتىك حاتشى ەكى­­جاق­تى ۇكىمەتارالىق كوميس­­سيا­­نىڭ وتكەن جىلى تابىس­­تى جۇمىس ىستەگەنىنە, ەكى ەل ارا­سىن­داعى ارىپتەستىك باي­لا­نىس­تىڭ كەلەشەگى زور ەكەنىنە توق­تا­لىپ ءوتتى. ونىڭ ايتۋىن­شا, قا­زاقستان مەن سەربيا ارا­سىن­داعى قارىم-قاتىناس قار­قىنى جىل ساناپ ارتىپ كەلەدى. «وتكەن جىلدىڭ ستاتيس­تي­كالىق دەرەكتەرىنە سايكەس, ءوزارا تاۋار اينالىمى شاما­مەن 25 ميلليون دوللاردى قۇ­­را­دى. ودان بولەك, مادەني-گۋ­ما­­ني­تارلىق سالاداعى قاتى­ناس­تار دا دامىپ كەلەدى. بىلتىر سەر­بيا استاناسىندا ەكى ەلدىڭ مەم­لەكەت باسشىلارىنىڭ قاتى­­سۋىمەن قازاقتىڭ ۇلى اقى­­نى جامبىل جاباەۆتىڭ ەس­كەرت­كىشى اشىلدى, سول ءۇشىن دە ري­زاشىلىعىمىزدى ءبىلدى­رەمىز»,– دەدى مەملەكەتتىك حاتشى. گۇلشارا ابدىقالىقوۆا اي­تىپ وتكەندەي, وسى تەكتەس يگى شارالار قازاقستاندا دا ات­قا­رىلۋدا. بۇگىنگى تاڭدا سەربيا مەن قا­زاقستان اراسىندا قۇرىلىس, فار­ماتسەۆتيكا جانە اۋىل شا­رۋاشىلىعى سالالارىنداعى بايلانىس كۇشەيىپ كەلە جات­قا­نىن ايتا كەتۋ كەرەك. قازاق­ستاننىڭ كوتەرمە جانە بولشەك ساۋدا, قۇرىلىس سالالارىندا سەر­بيا كاپيتالىنىڭ قاتى­سۋىمەن وننان استام بىرلەسكەن كا­سىپورىن جۇمىس ىستەيتىنى وسىنىڭ ايعاعى. ەلشىمەن كەزدەسۋدە مەم­لە­­كەتتىك حاتشى الداعى ەكسپو-2017 حالىقارالىق كور­­­مە­سىنە سەربيا تاراپى قاتى­­سۋعا نيەت بىلدىرگەنىن تىلگە تيەك ەتتى. ءوز كەزەگىندە سەربيا ەلشى­سى ەل تاۋەلسىزدىگىنىڭ 25 جىل­دى­عىمەن جانە قازاقستاننىڭ بۇۇ قا­ۋىپسىزدىك كەڭەسىنىڭ تۇ­راقتى ەمەس مۇشەسى بولىپ سايلانۋىمەن قۇتتىقتادى. «ءبىز الداعى ەكسپو كور­مەسىنە قاتىسامىز. قازىر وعان ازىرلىك جۇمىستارى قارقىندى ءجۇرىپ جاتىر, يدەيالىق جانە تەحنيكالىق تۇجىرىمداماسى جاقىن ارادا بەكىتىلەدى», – دەدى ۆلاديمير ميركوۆيچ. كەزدەسۋ سوڭىندا گۇلشارا ابدىقالىقوۆا سەربيالىق ديپ­لوماتقا قازاقستان مەن سەربيا اراسىندا سان سالالى ءارى سەنىمدى سەرىكتەستىك ورناتۋعا ۇلەس قوس­قانى ءۇشىن ريزاشىلىعىن ءبىل­دىرىپ, مىقتى دەنساۋلىق, يگىلىك پەن تابىس تىلەدى. ارنۇر اسقار, «ەگەمەن قازاقستان»