«الاتاۋ» تەحنوپاركىنىڭ جۇمىسىمەن تانىستى

پرەمەر-مينيستر باقىتجان ساعىنتاەۆ الماتىداعى «الاتاۋ» يننوۆاتسيالىق تەحنولوگيالار پاركىندە بولىپ, ارنايى ەكونوميكالىق ايماقتىڭ سوڭعى جەتىستىكتەرىمەن تانىستى. الماتى قالاسىنىڭ اكىمى باۋ­ىر­جان بايبەك ماماندار اتقارىپ جاتقان شارۋالارمەن تانىستىرۋ بارىسىندا, جاڭا­لىقتاردىڭ از ەمەس ەكەنىن اتاپ ءوتتى. ماسەلەن, ءبىراز ۋاقىت شۋ بولعان «وڭاي» كارتاسىن ەنگىزۋدىڭ تولىقتاي جۇزەگە اسىپ بولعانىن, الداعى ۋاقىتتا اتالعان تولەم كارتاسىنىڭ قول­دانۋ كوكجيەگىن كەڭەيتە ءتۇسۋدى كوزدەپ وتىرعانىن ايتتى. قازىردىڭ وزىندە شىمبۇلاققا باراتىندار «وڭاي» كارتاسىن قولدانا وتىرىپ, باياعىداي ۇزىن-سونار كەزەككە تۇرۋدان قۇتىلادى. سونداي-اق, تولەم كارتاسىن قولدانۋشىلارعا ءتاريفتى تومەندەتۋ ماسەلەسىنە دە توقتالدى. ء«بىر رەتكى تولەم مەن كارتا ارقىلى تولەمنىڭ اراسىندا ايىرماشىلىق بولعانى ءجون», – دەيدى قالا اكىمى. ۇكىمەت باسشىسىنىڭ ساپارى بارىسىندا كبتۋ تەڭىز اكادەمياسىنا قاراستى بۇرعىلاۋ ترەناجەرىنىڭ ەرەكشەلىگى تانىس­تىرىلدى. مامانداردىڭ ايتۋىنشا, بۇرىن بۇرعىلاۋدى ۇيرەنۋ ءۇشىن قازاقستاندىقتار شەت ەلدەرگە شىعۋعا ءماجبۇر بولاتىن. شەت ەل, ارينە, قىمباتقا تۇسەدى. قوماقتى قارجى شىعىنداپ (1 ملن 200 مىڭ اقش دوللارى) ور­ناتىلعان بۇرعىلاۋ وقۋ-جات­تىعۋ قۇرىلعىسى الەمنىڭ كەيبىر قا­لا­لارىندا عانا بار كورىنەدى. اقپان ايىنىڭ 14-نەن باستاپ 13 ستۋدەنت ارنايى كۋرس­تان وتەدى. ال­عاشقى تۇلەكتەر دە سولار بول­ماق. ءوز ەلىمىزدە الدەقايدا ار­زان­عا تۇسەدى دەگەن بۇل قۇرال ار­قى­­لى تاجىريبەدەن ءوتۋدىڭ ءبىر اپ­تا­لىق كۋرسى – 300 مىڭ تەڭگە. ءبىر ارتىقشىلىعى, بۇل جەردەن ال­عان سەرتيفيكات الەمنىڭ كەز كەل­گەن ەلىندە جارامدى بول­ماق. سون­داي-اق, الماتىنىڭ كو­شەلەرى­نە ورناتى­لىپ جاتقان جول قوزعالىسىن باقى­لايتىن اقىلدى كامەرالار, قا­رۋ ساتا­تىن دۇكەندەرگە ورناتى­لاتىن قا­ۋىپ­سىزدىك دابىل قاعۋ تەتىكتەرىنىڭ زاماناۋي ارتىق­شى­لىقتارى ءسوز بولدى. مينيسترلەر كابينەتىنىڭ تور­اعاسى «الاتاۋ» تەحنوپاركىندە ور­نالاسقان اقپاراتتىق جانە ەلەكتروندى اسپاپ جاساۋ, ەنەرگيانىڭ جاڭا كوزدەرىن تابۋ, تابيعات رەسۋرستارىن ءتيىمدى پايدالانۋ, مۇناي-گاز ونىمدەرىن وڭدەۋ تەحنولوگيالارىن جەتىلدىرۋ سياقتى سالالاردى دامىتۋعا باعىتتالعان باسقا دا نىساندارمەن تانىسىپ, ءوز باعاسىن بەردى. الماس ءنۇسىپ, «ەگەمەن قازاقستان» الماتى