جان-جاقتى ءتۇسىندىرىلدى

پارلامەنت ءماجىلىسى دەپۋتات­تارىنىڭ اباي تاسبولاتوۆ جەتەكشىلىك ەتكەن اقپاراتتىق-ناسيحات توبى قىزىلجار وڭىرىندە جۇرتشىلىقپەن كەزدەسىپ, تاريحي ماڭىزى زور قۇجات توڭىرەگىندە كەلەلى پىكىر الماستى. «قازاقستاننىڭ ءۇشىنشى جاڭ­عى­رۋى: جاھاندىق باسەكەگە قاب­ى­­­لەت­­­تىلىك» جولداۋىنىڭ باستى قاعي­دات­­­تارىن ءتۇسىن­دىرۋگە ارنالعان كەلەلى ءجۇز­­­دەسۋ م.قوزى­باەۆ اتىنداعى سول­تۇس­­­تىك قازاق­ستان مەملەكەتتىك ۋنيۆەر­سي­تە­تى­­­نىڭ پرو­فەس­سورلىق-وقىتۋشى­­لار قۇرا­­­مى­مەن جانە ستۋدەنتتەرىمەن ءوت­تى. حا­لىق قالاۋلىلارى ءبىلىم جۇيە­سى­نىڭ حا­لىق­­ارالىق ستاندارت­تارعا سايكەستەندى­رىلۋىنە وراي ستۋدەنت جاستار الدى­نا سىني تۇرعىدان ويلاۋ, ءوز بەتىمەن ىزدەنۋ, قارىم-قابىلەتىن شىڭ­­داۋ, وزىق تەحنولوگيالاردى يگەرۋ سياق­تى زاماناۋي تالاپتار قويىلىپ وتىر­عانىن ايتا كەلىپ, جوعارى وقۋ ورىن­دارىنىڭ ماتەريالدىق-تەحنيكالىق بازاسىن جەتىل­دىرۋ, ءبىلىم بەرۋ باعدارلامالارىنا باقى­لاۋ مەن تالاپتى كۇشەيتۋ, قۇقىق­تىق-قارجىلىق ساۋاتتىلىقتى ارتتىرۋ, ءۇش ءتىلدى ەركىن مەڭگەرۋ ماسەلەلەرى بويىنشا ءوز-ويلارىن ورتاعا سالدى. «مەملەكەت باسشىسى زور كوڭىل اۋدارىپ وتىرعان باسىمدىق­تار­دىڭ قاي-قاي­سىسى بولسىن ەلدىڭ تۇراق­تىلىعىنا, جاڭا تەح­نو­لوگيا­لىق-يننوۆاتسيالاردىڭ ەنگىزى­لۋىنە قىزمەت ەتەدى. ادامي كاپيتال سا­پاس­ىن جاقسارتۋ – وتە كوكەيكەستى ماسە­لە­­لەر­­دىڭ ءبىرى. سول سەبەپتى ءبىلىم بە­رۋدى ەكون­و­ميكالىق ءوسۋدىڭ جاڭا مو­دەلى­نىڭ ورتالىق بۋىنىنا اينالدىرۋ ءمىن­دەتى قويىلىپ وتىر», دەدى جاستار­عا قاراتا ايتقان سوزىندە اباي بولەكباي ۇلى. ءماجىلىس دەپۋتاتتارى يۋري تيمو­­ششەنكو, شافحات وتەمىسوۆ جول­داۋ­دا قاۋىپ­­سىز­دىك اح­ۋالى قۋاتتى جانە ارەكەت ەتە الا­­تىن مەم­لەكەتتىڭ ولشە­مى بولىپ تا­بى­­لاتى­نىن, ءدىني ەكسترە­ميزمدى ناسي­حات­­تاۋ­دىڭ الدىن الۋ, اسىرە­سە, ءدىني قارىم-قاتى­ناس سالا­سىن­داعى راديكالدى كوز­­قاراس­قا بايلانىستى كەز كەلگەن ارە­كەت­تەردىڭ الدىن الۋ, بولدىرماۋ قاجەتتىگىن اتاپ كورسەتتى. وبلىستىق ءماسليحاتتا ۇيىمداس­تىرىل­عان باسقوسۋدا ەلىمىز ءۇشىن اسا ما­ڭىزدى باعدارلامالىق قۇجات­تىڭ قازاق­ستان­­نىڭ جاھاندىق باسەكە­گە قابىلەت­تى­لى­گىن قامتاماسىز ەتۋگە, رەسپۋب­ليكا تۇرعىن­دارىنىڭ ءومىر ساپاسىن تومەن­دەتپەۋگە, وركەنيەتتى وتىز ەلدىڭ قاتارىنا قوسىلۋعا جان-جاقتى مۇمكىندىكتەر اشاتىن بەس باسىمدىق جايلى كەڭىنەن سارالاندى. ءومىر ەسقالي, «ەگەمەن قازاقستان» سولتۇستىك قازاقستان وبلىسى