جەر قويناۋىن ءتيىمدى پايدالانۋ قاجەت

مەملەكەت باسشىسى نۇرسۇلتان نازارباەۆ «قازاقستاننىڭ ءۇشىن­شى جاڭعىرۋى: جاھاندىق ءبا­سە­كەگە قابىلەتتىلىك» اتتى قازاق­­ستان حالقىنا جولداۋىندا «جەر قويناۋى جانە جەر قوي­ناۋىن پاي­دالانۋ تۋرالى» جاڭا كو­دەكس­­تىڭ قابىلدانۋىن قامتا­ما­سىز ەتۋدى تاپسىرعان بولاتىن. تاياۋ­دا استانادا قۇجات جوباسىن تال­قىلاۋ جونىندەگى قوعامدىق تىڭ­داۋ ءوتتى. شاراعا قۇزىرلى مي­نيستر­­لىك­تەردىڭ, قوعامدىق ۇيىم­­دارد­ىڭ, جەر قويناۋىن پايدا­لانۋ­شى­لاردىڭ وكىلدەرى قاتىستى. قوعامدىق تىڭداۋ بارىسىندا ينۆەس­تيتسيالار جانە دامۋ مينيستر­لىگى جەر قويناۋىن پايدالانۋ دەپار­تامەنتىنىڭ ديرەكتورى رۋسلان باي­ميشەۆ قۇجات جوباسىنىڭ قاتتى پايدالى قازبالار بولىمىنە قاتىستى, ونىڭ ورىنباسارى ساكەن شاكىروۆ كومىرسۋتەكتى شيكىزات بولىمىنە قاتىستى نەگىزگى ەرەجەلەر تۋرالى ايتىپ بەردى. «ەلباسىنىڭ «100 ناقتى قادام» ۇلت جوسپارىنىڭ 74-75 قادامىندا كورسەتىلگەندەي, ءبىز حالىقارالىق كەڭ تارالعان ستاندارتتارعا كوشۋىمىز كەرەك. ول – بارلىق قورلار, قاتتى پايدالى قازبالار, كومىرسۋتەگى سىندى بايلىقتىڭ بارلىعىن جاڭا حالىقارالىق ستاندارتپەن ەسەپتەۋ. جاڭا كودەكس قولدانىسقا ەنسە, سالاعا باعىتتالاتىن ينۆەستيتسيا قاتارى ارتادى دەپ ويلايمىز», دەيدى گەولوگيا جانە جەر قويناۋىن پايدالانۋ كومي­تەتىنىڭ توراعاسى بازارباي نۇراباەۆ. ماماندار پىكىرىنشە, ينۆەستورلار بۇرىن ليتسەنزيا الۋ ءۇشىن ەكى-ءۇش جىلىن سارپ ەتەتىن. ال, كودەكسكە وزگەرىس­تەر ەنسە, بۇل قۇجات 2-3 كۇندە دايىن بول­­ماق. ستاتيستيكالىق مالىمەتتەرگە سۇيەنسەك, دۇنيە جۇزىندە جىل سايىن بار­­لاۋ جۇمىسىنا 11 ملرد دوللار بولىنە­­دى. ونىڭ 18 پايىزى كانادانىڭ, 12 پا­­يىزى اۆستراليانىڭ ۇلەسىندە, ال قا­زاق­­ستانعا تەك 1 پايىزعا جۋىعى عانا تيەس­ىلى ەكەن. گەولوگيالىق بارلاۋ جۇمىس­تارىن بەلسەندى جۇرگىزۋ ونى يگەرۋگە نيەتتى ينۆەستورلارعا بوگەت بولماۋى كەرەك. اسحات رايقۇل, «ەگەمەن قازاقستان»