ەرتەڭگى كۇنگە سەنىمىمىزدى ۇستەيدى

مەملەكەت باسشىسى نۇرسۇلتان نازارباەۆتىڭ قازاقستان حالقىنا ارناعان جولداۋىندا «تابىستى وتكەن ەكى جاڭعىرۋ ارقىلى باعا جەتپەس تاجىريبە جيناقتادىق. ءبىز ەندى العا باتىل قادام باسىپ, ءۇشىنشى جاڭعىرۋدى باستاۋعا ءتيىسپىز» دەۋىنە ناقتى نەگىز بار. سەبەبى, بىزدەر – قازاقستاندىقتار, ونىڭ ىشىندە مادەنيەت پەن ونەر سالاسىنىڭ وكىلدەرى ەلىمىز ەگەمەندىك العان كۇننەن بەرى, ەلباسىمىزدىڭ جىل سايىنعى حالىققا ارناعان جولداۋىن ۇزبەي وقىپ, ومىردە ۇستانىپ كەلەمىز. كوشباسشىمىزدىڭ سىندارلى سايا­ساتىنىڭ ارقاسىندا ەرتەڭى­مىزگە دە­گەن نىق سەنىممەن ەڭ­سەمىزدى بيىك ۇس­تاپ, دامىعان ەلۋ ەلدىڭ قاتارىنا قو­سىلدىق. الەم الدىنداعى بۇگىنگى ابىرويى­مىز ەل بولىپ اتقارعان قىرۋار يگى امالدارىمىز بەن ەڭبەكتەرى­مىز­دىڭ, جۇدىرىقتاي جۇمى­لىپ جاساعان جۇمىستارىمىز­­دىڭ ايقىن ناتيجەسى دەپ بىلەمىز. «نۇرلى جول» ەكونوميكالىق ساياساتىنىڭ جانە «100 ناقتى قادام» ۇلت جوسپارىنىڭ ناتيجەسىندە قاي سالانى الىپ قاراساق تا, ماقتان مەن ابىروي كورىنىس بەرەتىن جەمىسىمىز بەن جەڭىستەرىمىز بارشىلىق. قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ بيىلعى جىلعى جاساعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى العا قويىلعان وزەكتى ماسە­لەلەر مەن تاقىرىپتار قىزۋ تال­قىلانىپ, حالىقتان لايىقتى قولداۋ تابۋدا. شيرەك عاسىر ىشىندە ەل سەنىمىن ارقالاپ, ونى ادال اقتاعان مەملەكەت باسشىسىنا قازاقستان حالقى تاعى دا ۇلكەن سەنىم ارتىپ وتىر! جامبىل اتىنداعى قازاق مەملەكەتتىك فيلارمونياسىنىڭ قىزمەتكەرلەرى جولداۋدىڭ كەلەشەككە كەلتىرەر كومەگى مەن پايداسىن پايىمداپ, ءبىر اۋىزدان قولدايدى. وسى جىلى تمد جانە ورتالىق ازيا ەلدەرىنىڭ اراسىندا ءبىرىنشى بولىپ ءبىزدىڭ ەلىمىزدە وتكىزىلگەلى وتىرعان وتە ماڭىزدى ءىس-شارا ەكسپو-2017 مەگا-جوباسىنىڭ ءبىزدىڭ رەسپۋبليكامىزدىڭ بەدەلىن الەم الدىندا تاعى دا بيىكتەتەرى ءسوزسىز. وسى جولدا ءبارىمىز بىرىگىپ, ەلىن سۇيگەن ەلباسى جولداۋىنىڭ جۇزەگە اسۋى ءۇشىن جانە دە كوزدەگەن ماقسات-مىندەتىمىزگە جەتۋ ءۇشىن تىنباي ەڭبەكتەنۋگە ءازىرمىز! جەڭىس سەيدوللا ۇلى, جامبىل اتىنداعى قازاق مەملەكەتتىك فيلارمونياسىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى الماتى