تانىمال ءانشىنىڭ ارزان كولىگى

رەسەيدىڭ ەسترادا جۇل­دىزى تيما­تيدىڭ اۆتوكولىگى ايىپ تۇ­را­عىندا 11 جىل بويى «قا­ماۋ­دا» تۇر­­عان­دىقتان, سا­­­تىلىمعا شى­­عا­­رىلاتىن بولدى. بۇل تۋرالى ايگىلى ءانشىنىڭ ءوزى ينستا­گرامداعى پاراق­شا­سىندا جازىپ, سەنىمدى وكىلىن پەتروپاۆل قالاسىنا جىبەرۋگە ۋادە ەتكەن. ونداعى ماقسات – ساتىپ قۇتىلۋ, ال ودان تۇسكەن قارجىنى جەتىم بالالار ۇيىنە تاپسىرۋ. تانىمال رەپەردىڭ ءتورت دوڭعالاقتى «تەمىر تۇلپارى» تەرىسكەيگە قالاي «اداسىپ» كەلگەن دەگەن ساۋالعا گازەت وقىرماندارى باس قا­تىر­ماس ءۇشىن جاۋاپ بەرە كەتەيىك. تيماتي ءماس­كەۋ­دە گاسترولدىك ساپاردا ءجۇر­گەندە «اۋدي تت» قىم­بات سپورتتىق كولىگىن ءبى­رەۋلەر ۇپتەپ كەتكەن. قول­دان-قولعا ءوتىپ, ءبىر­نەشە مارتە ساتىلعان اۆتو­كولىك اقىرى قىزىلجار وڭىرىنەن ءبىر-اق شىققان. ءنو­مىرى جوق, ەشقانداي ءتىر­­كەۋگە الىنباعان اۆتو­كولىكتى قىراعى كوز ءتارتىپ ساق­شىلارى بايقاپ قالىپ, ايىپ تۇراعىنا قويۋعا ءماجبۇر بولعان. 11 جىل بويى يەسى ءىز­دەۋ سالماعاندىقتان, قاڭ­تارۋلى كۇيدە تۇرا بەرگەن. اۆتوتۇراق باسشىلى­عىنىڭ مالىمدەۋىنشە, كولىك قىلمىستىق ءىستىڭ زاتتاي ايعاعى بولعاندىقتان, ساتۋعا تىيىم سالىنعان. ءايت­پەسە, ساۋدالاسۋشىلاردىڭ قاتا­رى جىرتىلىپ ايىرىلاتىن كورىنەدى. ەڭ جوعارى باعا 1 ميلليون تەڭگە توڭىرەگىندە. ءويت­كەنى, جىل­دىڭ ءتورت مەز­گىلى بويى قار­دان, جاۋىن-شا­شىن­نان كوز اش­پاعان كولىكتىڭ ون ە­كىدە ءبىر نۇس­قا­سى قالماعان سى­ڭايلى. ءومىر ەسقالي, «ەگەمەن قازاقستان» سولتۇستىك قازاقستان وبلىسى