تويعا ك ۇلىپ بارىپ, كۇرسىنىپ قايتامىز

جۋىردا ءبىر ۇيلەنۋ تويىنا باردىم. جاس جۇبايلاردىڭ شاڭىراق كوتەرگەنىنە قۋانعان حالىق تا كوپ جينالىپتى. توي باستالدى. اسابا ارقىراپ شىقتى ورتاعا. بارلىعى ءوزىنىڭ رەت-رەتىمەن بولىپ جاتقان... كەنەت اسابا جاس جۇبايلاردى ورتاعا شىعارىپ, ءبىر-بىرىمەن ءسۇيىستىرىپ قويدى. جاستار ۇيالاتىن ەمەس. بىراق ۇلكەندەر جاعى امالسىز تومەن قارادى. ودان الەۋمەتتىك جەلى­لەر­دەن ءبىر سۇمدىقتى تاعى كور­د­ىك. توي ۇستىندە ءبىر جىگىت ءبىر كەلىنشەكتى «دومبىرا» قىلىپ, «كۇي» تارتىپ وتىر. كۇي تاسپادا وزدىگىنەن وي­ناپ تۇر, ارينە. ال الگى ءجى­گىت كەلىنشەكتى «دومبىرا» قى­لىپ سابالاپ قوياتىن ەمەس. كۇي دە اناۋ-مىناۋ ەمەس, قۇرمانعازىنىڭ «اداي» كۇيى. اسابا بۇل جەردە ەلدى كۇل­دى­ر­­دى, بىراق ءبۇلدىردى. وسىن­داي جاعدايلار بۇگىندە كەڭ ەتەك جايىپ كەلەدى. تويعا كوپ ەل ك ۇلىپ بارىپ, كۇرسىنىپ قاي­تاتىن بولدى. مۇنىڭ ءبا­رىنە كىنالى – تويداعى ءتار­تىپ­سىزدىكتىڭ العا شىعۋى. ءۇي يە­سى­نەن بەرىلەتىن ەسكەرتۋ جوق. تويدى البەتتە بىزدەر قا­زى­ناعا بالايمىز. قازاق دۇعا-ءتى­لەكتە دە تويدان ايىرماۋىن ءتىل­ەيدى. الدەبىر كىسى دۇنيە سال­عاندا, وعان كوڭىل ايتا بار­عاندا دا بىزدەر «تويعا كە­لەيىك, ارتى توي بولسىن» دەپ جاتامىز. ال توي دەگەن نە نارسە؟ سەكىرىپ بيلەۋ مە, بايلىعىن كورسەتۋ مە, الدە كوپشىلىكتىڭ كوزىنشە تارتىپسىزدىك ۇيىمداستىرۋ ما؟ كەي اسابالاردىڭ ءما­دە­نيەتىنىڭ تومەندىگى باس­­قار­عان تويلارىنان-اق كو­رى­نىپ قالىپ جاتادى. ءبىر اق جاۋ­لىقتى اجەنى ءسوز بەرۋ ءۇشىن ورتاعا شاقىرعان اسابا ءال­گى كىسىگە قاراپ: «اپا, مەنى تا­نىدىڭىز با؟» دەيدى. الگى كەي­­ۋانا تانىماعانىن ايتادى. سون­­دا الگى اسابا: «نەگە تا­نى­ماي­سىز اپا, باياعىدا كە­لىن بوپ تۇسكەندە مەن ءسىزدىڭ بە­تى­ڭىز­دى اشىپ ەدىم عوي», دەيدى. بۇل بىراق بەر جاعى... تويدا قازىر ويىنداردىڭ ءتۇ­ر­لەرى دە كوپ. تويدى ءما­دە­نيەت­تى جۇرگىزۋ, ويىن ويناتۋ, حالىقتىڭ كوڭىلىن كوتەرۋ اسا­با­نىڭ دەڭگەيىنە بايلانىستى. الايدا, كەي اسابالاردىڭ دەڭ­گەيى­نىڭ الگىندەي ءارى ارسىز, ءارى ارزان ويىنداردان اسا الماي جاتقانى وكىنىشتى. بىرەۋ وي­دان, بىرەۋ تويدان نەسىبەسىن تە­رىپ جەيدى. بىراق قازاقتىڭ «توي – ءتاڭىردىڭ قازىناسى» دە­گەن ۇلى ءسوزى ۇمىتىلماسا ەكەن... حاميت ەسامان, «ەگەمەن قازاقستان» جامبىل وبلىسى