قوجامجاروۆ «بايتەرەك Development» توپ-مەنەدجەرلەرىنىڭ ءىسى تۋرالى ايتتى

«بايتەرەك DEVELOPMENT» اق-دا قىلمىستىق توپ اشكەرەلەنگەننەن كەيىن, جۇيەلى سىبايلاس جەمقورلىق تاۋەكەلدەرى انىقتالدى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ القا ماجىلىسىندە وسى ۆەدومستۆونىڭ توراعاسى قايرات قوجامجاروۆ ءمالىم ەتتى, دەپ حابارلايدى «قازاقپارات». «بىرقاتار قىلمىستىق ىستەردى تەرگەگەننەن كەيىن جۇيەلى تاۋەكەلدەردىڭ بەتىن اشامىز. ولار شىن مانىندە مەملەكەتىمىزدىڭ تىرشىلىگىندەگى ءتۇرلى سالالاردا سىبايلاس جەمقورلىق سحەمالارىن تۋدىرادى. ماسەلەن, ۇلتتىق قور قارجىسىن ۇزاق ۋاقىت بويى جىمقىرىپ كەلگەن قىلمىستىق توپ اشكەرە بولعاننان كەيىن, بارلىعىن ەش قيىندىقسىز ۇرلاۋ ءۇشىن جاعداي جاساعان بىرقاتار قادامداردى انىقتادىق. ياعني بۇل تۇرعىدا «بايتەرەك» قورىنا قاتىستى ءمان-جايدى ايتىپ تۇرمىن», – دەدى قايرات قوجامجاروۆ. اگەنتتىك باسشىسى كۆازيمەملەكەتتىك سەكتورعا مەملەكەتتىك ساتىپ الۋلار تۋرالى زاڭنامانىڭ كۇشى تارامايتىنىن اتاپ ءوتتى. ال بۇل سەكتورداعى كورپوراتيۆتى كودەكس ساتىپ الۋلاردا شەشىمدى ءبىر ادامنىڭ قابىلداي بەرۋىنە مۇمكىندىك بەرەدى. قوجامجاروۆتىڭ پايىمىنشا, ءبىرىنشى كەزەكتە كۆازيمەملەكەتتىك سەكتورعا قوعامدىق قاداعالاۋ قاجەت. جالپى, سىبايلاس جەمقورلىق كورىنىستەرىنە توسقاۋىل قويۋ ءۇشىن جۇيەلى شارالار قابىلداۋ كەرەك بولىپ تۇر. ەستەرىڭىزگە سالا كەتەيىك, 2016 جىلدىڭ قاراشاسىنان باستاپ «بايتەرەك DEVELOPMENT» اق باسشىلىعىنا قاتىستى پارا الۋ فاكتىلەرى بويىنشا تەرگەۋ امالدارى باستالدى.