شقو مەديتسينا ماماندارى شەتەلدە بىلىكتىلىگىن ارتتىرادى

شىعىس قازاقستان وبلىسىندا مەديتسينا ماماندارىنىڭ بىلىكتىلىكتەرىن شەتەلدە جەتىلدىرۋگە ميلليارد تەڭگە ءبولىندى. بۇل تۋرالى وبلىس اكىمى دانيال احمەتوۆ ەل پرەزيدەنتىنىڭ جولداۋىن تالقىلاۋعا ارنالعان اكتيۆ جيىنىندا حابارلادى, دەپ جازادى yk.kz. «وزدەرىڭىز بىلەسىزدەر, ءبىز بالالار اۋرۋىمەن كۇرەستە سوڭعى ورىنداردا تۇرمىز», - دەدى دەدى ءوڭىر باسشىسى. «جەرگىلىكتى مەديتسينا ەرلىكپەن كەدەرگىلەردى ەڭسەرىپ كەلەدى دەگەن ءسوز اسىرا ايتىلعان ءتارىزدى. ءبىز اۋرۋحانالاردى زاماناۋي قۇرىلعىلارمەن قامتاماسىز ەتتىك, ەندى دارىگەرلەردىڭ بىلىكتى جۇمىسى جەتىسپەي تۇر. وتكەن جىلى وسكەمەن مەن سەمەيدىڭ 12 دارىگەرى اكۋشەر-گينەكولوگتار, نەوناتولوگتار, بالالار پاتولوگياسىنىڭ دارىگەرلەرى بيۋدجەت ەسەبىنەن لوندوندا بىرنەشە اي وقىپ كەلدى. ەندى جاڭا تەحنولوگيالاردى مەڭگەرۋ ءۇشىن دارىگەر-جەتەكشىلەر شەتەلگە اتتانادى. ەگەر مامان زاماناۋي حالىقارالىق ءبىلىمدى مەڭگەرىپ, باسشىسى بۇل ماسەلەدەن بەيحابار بولسا, ول ءوز قىزمەتكەرىنىڭ قاسيەتىن باعالاي المايدى, سوعان قاراي ونىڭ قىزمەتىن دە جوعارىلاتپايدى», - دەدى دانيال احمەتوۆ. «سوندىقتان, ءبىرىنشى كەزەكتە مەديتسينادا جەتەكشىلەردى وقىتۋ كەرەك. ولار ءۇش ايلىق ءتىل كۋرسىنان وتەدى, سودان كەيىن شەتەلدىك ەمحانالاردا جارتى جىل بويى ءبىلىم الادى. بۇدان باس تارتقان باسشىلار وزگە قىزمەتكە اۋىستىرىلادى. ەڭ الدىمەن, كاسىبي قىزمەتتى بالالار اۋرۋى, ونكولوگيا جانە قان اۋرۋلارىمەن بايلانىستى دارىگەرلەر بىلىكتىلىگىن ارتتىرۋعا جىبەرىلەدى. ءدال قازىر وسى كورسەتكىشتەر بويىنشا شقو سوڭعى ورىنداردا كەلە جاتىر. بۇل باعدارلاماعا ميلليارد تەڭگە بولدىك. قاجەت بولسا بۇدان دا كوپ قارجى جۇمسايمىز, ازاماتتاردىڭ دەنساۋلىعى ءبىز ءۇشىن ماڭىزدى», - دەپ تولىقتىردى وبلىس اكىمى.