قازاقستاندا ەلەكتروندى ەڭبەك بيرجاسى پايدا بولادى

قازاقستاندا ەلەكتروندى ەڭبەك بيرجاسى پايدا بولادى. ونى ىسكە قوسۋ 2017 جىلدىڭ ەكىنشى جارتىجىلدىعىنا جوسپارلانعان. جۇمىسقا ورنالاسپاعان قازاقستاندىقتارعا enbek.kz پورتالى ارقىلى جۇمىس تابۋعا كومەكتەسەدى. بۇل تۋرالى primeminister.kz تىلشىسىنە ەڭبەك رەسۋرستارىن دامىتۋ ورتالىعىنىڭ پرەزيدەنتى داۋلەت ارعاندىقوۆ مالىمدەدى. اتالعان پورتالدا جۇمىس بەرۋشىلەر بوس ورىندار مەن بولاشاق جۇمىس ورىندارى تۋرالى مالىمەتتى قالدىرا الادى. وعان قوسا, جۇمىسپەن قامتۋ ورتالىقتارىنا بارۋ قاجەتتىگى تۋىندامايدى. سايتتا الدەقايدا سۇرانىسقا يە ماماندىقتاردىڭ ءتىزىمى جاسالعان. نەگىزىنەن جۇمىسشى ماماندار – تاس قالاۋشىلار, دانەكەرلەۋشىلەر, ارنايى تەحنيكا جۇرگىزۋشىلەرى, سونداي-اق ورتا مەديتسينالىق قىزمەتكەرلەر قاجەت. «اتالعان پورتال ارقىلى ەڭبەكپەن قامتۋ قىزمەتتەرى تەگىن, ەركىن قولجەتىمدىلىكتە كورسەتىلەدى. بۇگىن بۇل سايت ميلليوننان استام كورۋگە يە بولدى. بۇگىندە ءبىز وسىنداي دەڭگەيدەگى سايتتاردىڭ اراسىندا 1 ورىندامىز, سوندىقتان, مارحاببات», – دەدى د. ارعاندىقوۆ. سونداي-اق, ەڭبەك رەسۋرستارىن دامىتۋ ورتالىعىنىڭ پرەزيدەنتى جول كارتاسى-2020-نى ىسكە اسىرۋدىڭ ارالىق قورىتىندىسىن شىعاردى. 5 جىل ىشىندە شامامەن 800 مىڭ جۇمىسسىز ادام ەڭبەكپەن قامتىلعان. ناتيجەسىندە ەڭبەك نارىعىنداعى جاعداي تۇراقتاندى. جۇمىسسىزدىق دەڭگەيى 4,9%-دى قۇرايدى. سونىمەن قاتار, بۇگىندە ەڭبەك نارىعىندا 21% دەڭگەيىندە ءونىمسىز جۇمىسپەن قامتۋدىڭ جوعارعى ۇلەسى تۇرىندەگى پروبلەمالار بار. د. ارعاندىقوۆ ءونىمدى جۇمىسپەن قامتۋ مەن جاپپاي كاسىپكەرلىك باعدارلاماسىن ىسكە اسىرۋ تۋرالى تولىعىراق ايتىپ بەردى. باعدارلاما اياسىندا 20 مىڭنان استام قازاقستاندىق قىسقا مەرزىمدى وقىتۋ كۋرستارىمەن قامتىلادى. باعدارلاما باعىتتارىنىڭ ءبىرى – كاسىپكەرلىكتى دامىتۋ, دەگەنمەن  الدىڭعى باعدارلامادان ايىرماشىلىعى - مۇندا شارالار كەڭەيتىلەدى جانە اۋىلدا شاعىن نەسيەلەر بەرۋدەن وزگە, شاعىن نەسيەلەر قالالىق جەرلەردە دە بەرىلەتىن بولادى. سونىمەن قاتار, شاعىن نەسيەلەر كولەمى 16 ميلليونعا دەيىن ۇلعايتىلعان. باستاپقىدا ونىڭ مولشەرى 3-5 ملن ارالىعىندا بولاتىن. نەسيەلەندىرۋ مەرزىمى دە ۇلعايتىلعان. مىسالعا, مال شارۋاشىلىعى ءۇشىن جەتى جىلعا دەيىنگى مەرزىم. بۇدان وزگە, كاسىپكەرلىك نەگىزدەرىنە وقىتۋ شارالارى ۇسىنىلاتىن بولادى. باعدارلامانىڭ تاعى ءبىر باعىتى – جۇمىسقا ورنالاسۋدا كومەك كورسەتۋ جانە حالىقتىڭ الەۋمەتتىك تۇرعىدان ءالسىز توپتارىنا قولداۋ كورسەتۋ.ڭ باستى بەتىنە گيپەرسىلتەمە بەرۋگە مىندەتتى.