جامبىل وبلىسىندا 27 اۋىل شارۋاشىلىعى كووپەراتيۆتەرى قۇرىلدى

بۇگىنگى كۇنى وبلىستا 27 اۋىل شارۋاشىلىعى وندىرىستىك كووپەراتيۆتەرى قۇرىلىپ, ادىلەت باسقارماسىنان تىركەۋدەن وتسە, 23 اۋىل شارۋاشىلىعى كووپەراتيۆتەرى قايتا تىركەۋدەن ءوتتى. وبلىستا بۇگىنگى كۇنى 700-گە جۋىق ۇساق شارۋاشىلىقتار مەن جەكە قوسالقى شارۋاشىلىقتار مۇشەلەرى بىرىكتىرىلىپ 50 اۋىل شارۋاشىلىعى وندىرىستىك كووپەراتيۆى قۇرىلدى. «سونىمەن قاتار, وبلىستا ءسۇت كلاستەرى بويىنشا 2 اۋىل شارۋاشىلىعى وندىرىستىك كووپەراتيۆى قۇرىلىپ, قۇرامىنا 57 شارۋاشىلىق بىرىككەن. سونداي-اق, ەگىن شارۋاشىلىعى باعىتىندا 36 كووپەراتيۆىنىڭ قۇرامىنا 631 شارۋاشىلىق بىرىكسە, مال شارۋاشىلىعى باعىتىندا 6 اۋىل شارۋاشىلىعى وندىرىستىك كووپەراتيۆىنىڭ قۇرامىنا 68 شارۋاشىلىق بىرىككەن», - دەلىنگەن حابارلامادا. «اۋىل تۇرعىندارىن تۇراقتى جۇمىسپەن قامتۋ جانە اۋىل شارۋاشىلىعى ونىمدەرىنىڭ ءوندىرىس كولەمىن ارتتىرۋ ماقساتىندا جەكە قوسالقى شارۋاشىلىقتاردىڭ الەۋەتىن پايدالانۋ ەسەبىنەن ازىق-ت ۇلىك قاۋىپسىزدىگى ماسەلەلەرىن شەشۋ» جوسپارى بويىنشا وبلىستا ءسۇت باعىتىندا 2 اۋىل شارۋاشىلىعى وندىرىستىك كووپەراتيۆى قۇرامىنا 50 جەكە قوسالقى شارۋاشىلىق مۇشەلىككە تىركەلسە, ەت باعىتىندا 4 اۋىل شارۋاشىلىعى وندىرىستىك كووپەراتيۆى قۇرامىنا 116 جەكە قوسالقى شارۋاشىلىق بىرىكتى. اعىمداعى جىلى وبلىس بويىنشا 40- اۋىل شارۋاشىلىعى وندىرىستىك كووپەراتيۆتەرىن قۇرۋ جوسپارلانىپ وتىر. ونىڭ ىشىندە 6-ى جەكە قوسالقى شارۋاشىلىقتى بىرىكتىرۋ ارقىلى ەت, ءسۇت, كوكونىس, قۇس شارۋاشىلىعى ءوسىرۋ باعىتىنداعى اۋىل شارۋاشىلىعى وندىرىستىك كووپەراتيۆتەرىن قۇرۋ. وسى ورايدا, جەكە جوسپارعا سايكەس اۋدانداردا ۇساق شارۋاشىلىقتاردى جوعارىدا اتالعان زاڭ تالاپتارىنا سايكەس, ۇساق كووپەراتيۆتەر قۇرىلىمدارىنا بىرىكتىرۋ جۇمىستارىن جانداندىرۋ ماقساتىندا اعىمداعى جىلى «قازاق اگرارلىق-ونەركاسىپتىك كەشەنىنىڭ ەكونوميكاسى جانە اۋىلدىق اۋماقتاردى دامىتۋ عىلىمي زەرتتەۋ ينستيتۋتى» ماماندارىمەن بىرلەسە وتىرىپ اگروونەركاسىپ كەشەنىن جانە اۋىلدىق اۋماقتاردى دامىتۋدىڭ مەملەكەتتىك ساياساتىن ىسكە اسىرۋ شەڭبەرىندە اۋىل شارۋاشىلىعى كووپەراتيۆتەرىن قۇرۋدى ىنتالاندىرۋ ماقساتىندا قۇرىلعان كووپەراتيۆتەرگە سۇيەمەلدەۋ جۇمىستارىن جۇرگىزۋگە جانە شۋ اۋدانىندا كوتەرمە-ساۋدا ورتالىعىن اشۋعا جەرگىلىكتى بيۋدجەتتەن 16,7 ملن. تەڭگە قاراجات قاراستىرىلىپ جۇمىستار جۇرگىزىلۋدە.