ستانيمير ستويلوۆ «استانادان» كەتە مە؟

«استانا» فۋتبول كلۋبىنىڭ باس باپكەرى ستانيمير ستويلوۆ sportal.bg پورتالىنا بەرگەن سۇحباتىندا قازاقستاندىق ۇجىممەن الداعى ماقساتى جايلى, سونداي-اق ەۋروپانىڭ ۇزدىك چەمپيوناتتارىنىڭ بىرىندە قىزمەت ەتكىسى كەلەتىندىگى تۋرالى مالىمدەدى. «ءبىزدى تارتىسقا تولى كەزەكتى ماۋسىم كۇتىپ تۇر. قازىرگى باستى مىندەتىمىز – الداعى چەمپيوناتقا جانە ەۋروكۋبوكتىق ويىندارعا تىڭعىلىقتى دايىندالۋ. ەۋروپا كلۋبتارىمەن وتەتىن ماتچتار بار كۇشىمىزدى الىپ قوياتىنى ءسوزسىز. مىنە, ءدال وسى كەزدە ءوزىڭنىڭ قانشالىقتى بىلىكتى مامان ەكەنىڭ دە سىنعا تۇسەدى. ال قالعاندارى وسىنىڭ توڭىرەگىندە ءوربيدى. ارينە, باتىستىڭ الپاۋىت ۇجىمدارىمەن تايتالاسىپ, تۋرنيرلەرگە جولداما الۋ ىلعي دا قولىمىزدان كەلە بەرمەيدى. بىراق ۋاقىت وتە كەلە جانكۇيەرلەردىڭ «استاناعا» دەگەن پىكىرى دە وزگەرىپ جاتقانى بايقالادى. ال ەندىگىسىن جازدا كورەمىز», – دەدى ستويلوۆ. «ەگەر شەتەلدىك كلۋبتاردان ۇسىنىس تۇسسە, ول جاعىن دا قاراستىرامىز. ەۋروپانىڭ ۇزدىك كلۋبتارىنىڭ ءبىرىن جاتتىقتىرعىم كەلەتىنىن جاسىرمايمىن. بىراق بولگاريالىق تولقۇجات بۇل مۇمكىندىگىمدى جۇزەگە اسىرۋعا كەرى اسەرىن تيگىزىپ جاتادى. سوڭعى جىلدارى ايتارلىقتاي جۇمىس اتقارساق تا, كوپشىلىك ءبىز تۋرالى تەرىس پىكىردە», – دەدى «استانانىڭ» جاتتىقتىرۋشىسى. ايتا كەتەيىك, ەلوردالىق كلۋب پەن بولگار مامانى اراسىنداعى كەلىسىمشارت وسى جىلدىڭ سوڭىندا اياقتالادى.