«اشىق اكىمدىك» وبلىستا العاش رەت وتكىزىلدى

باتىس قازاقستان وبلىستىق قازاق دراما تەاترى عيماراتىندا 300-دەن استام تۇرعىن «اشىق اكىمدىك» قابىلداۋىندا بولدى. – وبلىس اكىمى التاي كول­گىنوۆتىڭ تاپسىرماسى بويىنشا مۇنداي شارا بىزدە العاش رەت وتكىزىلىپ وتىر. بۇگىنگى جۇزدەسۋدىڭ تاجىريبەسىن ەسكەرىپ, الدا دا مۇنداي اشىق قابىلداۋ كۇندەرىن ۇيىمداستىرامىز, – دەيدى باتىس قازاقستان وبلىستىق ىشكى ساياسات باسقارماسىنىڭ باسشىسى باقىتجان نارىمبەتوۆ. ءۇش ساعاتقا سوزىلعان قابىل­داۋ بۇگىنگى قوعامنىڭ ەڭ باس­تى سۇرانىسىن دا انىق كور­سەتتى: وبلىستىق تۇرعىن ءۇي-كوممۋنالدىق شارۋاشىلىعى باسقارماسى مەن وبلىستىق جەر قاتىناستارى باسقارماسىنا جولىعۋ ءۇشىن كەلۋشىلەر ۇزىن-سونار كەزەككە تۇردى. كەيىن ءمالىم بولعانداي, كەڭەس الۋعا كەلگەن 311 ادام­نىڭ 58-ءى وبلىستىق جەر قاتى­ناستارى باسقارماسىنا, 43-ءى وبلىستىق ەنەرگەتيكا جانە تۇرعىن ءۇي-كوممۋنالدىق شارۋا­شىلىعى باسقارماسىنا, 20-سى وبلىستىق جۇمىسپەن قامتۋدى ۇيلەستىرۋ جانە الەۋ­مەتتىك باعدارلامالار باس­قارماسىنا, 16-سى دەنساۋلىق ساقتاۋ باسقارماسىنا, 13-ءى قۇرى­لىس پەن جولاۋشىلار كولىگى جانە اۆتو­موبيل جولدارى باس­قار­ماسىنا جولىققان ەكەن. بۇل شاراعا بارلىعى 34 مەكەمە-ۇيىم باس­شىلارى مەن ماماندارى قاتى­سىپ, حالىقپەن تىكەلەي ءجۇز­دەستى. ورال قالاسىنىڭ اكى­مى ناريمان تورەعاليەۆتىڭ ءوزى ءتۇرلى مۇڭ-مۇقتاجى, ارىز-شا­عىمى بار قالا­لىقتارمەن بەت­پە-بەت كەزدەسىپ, ولاردىڭ كوپ­­تەگەن سۇراعىنا جاۋاپ بەر­دى. – مەنىڭ ۇلىم ون جىلدان بەرى پاتەر كەزەگىندە تۇر, ءوزىمنىڭ جەر كەزەگىنە تىركەلگەنىمە 13 جىلعا اياق باستى. بالام دەنساۋلىق ساقتاۋ سالاسىندا قىزمەت ەتەدى. مىنە, جەتى جىلدان بەرى وتباسىمەن, ەكى بالاسىمەن پاتەر جالداپ تۇرادى. بۇگىنگى كەزدەسۋدەن ءۇي كەزەگى جەتكەنىن ەستىپ, قۋانىپ تۇرمىن. قالا اكىمى بيىل كوپ قاباتتى 7 ءۇي قۇرىلىسى باستالعانىن ايتىپ وتىر. جال­پى, مۇنداي اشىق ەسىك, تىكە قابىلداۋ ۇيىمداستىرىلعانى وتە دۇرىس بولدى, – دەيدى قالا تۇرعىنى, زەينەتكەر گۇلجان مەڭدىعاليەۆا. مەملەكەتتىك ورگانداردىڭ تۇرعىندارعا كورسەتەتىن 172 قىزمەت ءتۇرى بولسا, 2016 جىلى باتىس قازاقستان وبلىسىندا جەرگىلىكتى اتقارۋشى ورگاندار 2,2 ملن مەملەكەتتىك قىزمەت كورسەتكەن ەكەن. ونىڭ 281 مىڭى ەلەكتروندى تۇردە, 58 مىڭى حقو ارقىلى اتقارىلعان. قازبەك قۇتتىمۇرات ۇلى, «ەگەمەن قازاقستان» ورال