اكادەمياعا «سەمەي» اتاۋى بەرىلدى

سەمەيدە جاڭادان اشىلعان سپورت اكادەمياسىنىڭ قۇرامىنا قالاداعى بالالار مەن جاسوسىپىرىمدەر سپورت مەكتەبى جانە جەكپە-جەك تۇرلەرىنە ارنالعان زالى بار ينتەرنات كىردى. 200 بالاعا شاقتالعان, ىشىندە اسحاناسى مەن كۇرەس زالدارى بار ينتەرناتتىڭ قۇرىلىسى 2015 جىلى باستالعان بولاتىن. نىسان قالاداعى №1 بالالار مەن جاسوسپىرىمدەر سپورت مەكتە­بىنىڭ جانىنان ورىن تەپكەن. قۇرىلىس جۇمىستارى تولىق اياقتالعان سوڭ, ءۇش نىساننىڭ باسى بىرىكتىرىلىپ, سپورت اكادەمياسىن قۇرۋ تۋرالى شەشىم قابىلداندى. سپورت اكادەمياسىنىڭ اشىلۋ سالتاناتىندا بالعىن سپورتشىلاردى شىعىس قازاقستان وبلى­سىنىڭ اكىمى دانيال ا­مەتوۆ پەن وليمپيادا چەم­پيو­نى ولگا رىپاكوۆا قۇتتىقتادى. – اكادەميا سپورتتى سۇيگەن جاسوسپىرىمدەر ءۇشىن ۇلكەن مۇمكىندىك ەكەندىگى ءسوزسىز. وسىعان دەيىن وبلىسىمىزدىڭ شالعاي جات­قان اۋىلدارىنداعى ءجاسوس­پىرىم­دەر ءۇشىن قالاعا كەلىپ, شەبەر­لىكتەرىن شىڭداۋعا جاعداي بول­ماعان ەدى. ەندى دارىندى بالا­قايلار وسى سپورت ينتەرناتىندا وقىپ, ءبىلىم الىپ, سپورتپەن اينالىسىپ, بايراقتى باسەكەلەردە ەل نا­مىسىن قورعايتىن بولادى. بار­­لىق­تارىڭىزدى وسى قۋا­نىش­تارىڭىزبەن قۇتتىق­تايمىن! – دەدى ولگا رىپاكوۆا. نىساننىڭ قۇرىلىسى «پا­رىز» قايىرىمدىلىق قورىنىڭ دەمەۋشىلىگىمەن جۇزەگە اسقان. سپورت اكادەمياسىنىڭ ديرەكتورى مەرەيعالى قوش­قىنوۆتىڭ ايتۋىنشا, اكا­دەمياعا وبلىس­تىڭ اۋىل-ايماقتارىنان دارىندى بالالار ىرىكتەلىپ الىنىپ, دزيۋدو, سامبو, گرەك-ريم جانە ەر­كىن كۇرەس سىندى سپورت تۇرلەرى­مەن شۇعىلداناتىن بولادى. ال وقۋ-جاتتىعۋ جۇمىس­تارىن رەسەي, موڭعوليا, ازەر­باي­جان ەلدەرىنەن كەلگەن بىلىكتى باپكەرلەر جۇرگىزبەك. وبلىس باسشىسى وسى سپورت اكادەمياسىنا «سەمەي» اتاۋىن بەرۋدى دە ۇسىندى. بۇل ۇسىنىستى حالىق قىزۋ قولدادى. راۋشان نۇعمانبەكوۆا, جۋرناليست سەمەي