«ۋنيۆەرسيادانى جاقسى ۇيىمداستىردىڭىزدار»

XXVIII دۇنيە­جۇزىلىك قىسقى ۋني­ۆەرسيادا جارى­سىن قادا­عا­لاۋعا الەم­­دىك سپورت فەدە­را­تسيا­­لارى­نىڭ وكىلدەرى دە ات­سالىس­تى. سەبەبى, تۇسىنىكتى – سايىس ءادىل ءوتۋى كەرەك. سونداي ماقساتپەن شورت-ترەك بويىن­شا حالىق­ارالىق كونكي­شىلەر ودا­عى­نىڭ (ISU) رەسمي وكىلى ستويچو ستويچەۆ تە الماتىعا ارنايى كەلدى. بول­گاريا­­ل­ىق مامان بىزگە بەرگەن سۇحباتىندا ۋني­ۆەر­سيادادا تالاپ بارلىعىنا بىردەي بول­عانىن تىلگە تيەك ەتىپ, سونىمەن قاتار, قازاق­ستان سپورتشىلارىنىڭ دەڭگەيى تۋرالى پىكىر ءبىلدىردى. «مەن قازاق ەلىن قىسقى ۋني­ۆەر­سيادانى جوعارى دەڭگەيدە ۇيىم­داستىرا العانىمەن قۇت­تىق­تاي­مىن, – دەپ باستادى اڭگى­مە­سىن س.ستويچەۆ. – بۇل ءسوز جوق سىزدەر ءۇشىن ۇلكەن ابىروي. مەن ISU-ءدىڭ وكىلى رەتىندە وليمپيادا ويىن­دارىنا, ۋنيۆەرسيادا جارىس­تارىنا تالاي رەت بار­دىم. كوپ دۇنيەنى كوزىممەن كور­دىم. سون­دىقتان ۇيىمداس­تىرۋ جاعىنان سىزدەر ەشكىم­نەن كەم تۇسپەدىڭىزدەر دەپ تولىق سەنىممەن ايتا الامىن. سايىس­قا كەلسەك, بارلىعى ەرەجە بويىن­شا ءوتتى. قاتەلىك جاساعاندار جارىس­تان شىعارىلدى. سەبەبى, تالاپ سپورتشىلارعا بىردەي قويى­لادى. بۇل جەردە وزدەرىڭىز كور­گەن­دەي, قازاقستان تاراپىنان دا جازالانعاندار بولدى». «بۇگىندە كونكيشىلەرىڭىز جاقسى ناتيجە كورسەتىپ كەلەدى, – دەپ ءسوزىن جالعاستىردى مارتە­بەلى مەيمان. – 2014 جىلى سوچي وليم­پياداسىندا ۇزدىك بەستىك­كە كىرىپ, مامانداردان وڭ باعا العان­د­ارى­ڭىزدى بىلەمىز. سوڭعى ەكى جىل­دا قازاقستان نيدەرلاند ەلى­نىڭ كونكيشىلەرىمەن تىعىز باي­لانىس ورناتتى. ناتيجەسىندە, اقش-تىڭ سولت-لەيك-سيتي قالا­سىندا ءوت­كەن الەم كۋبوگى جارى­سىندا اب­زال اجىعاليەۆ 500 مەتر قىسقا قا­شىقتىقتا جەڭىم­پاز اتاندى. ەندى, مىنە سپورت­شىلارىڭىز كۇ­مىس جانە قولا مەدال الىپ, قىس­قى ۋني­ۆەر­سيادانىڭ جۇلدەگەرلەرى اتاندى. دەگەنمەن, سىزدەرگە قىزدار قۇرا­ما­سىنىڭ دا دەڭگەيىن كوتەرۋ قا­جەت. بۇگىندە جوعارى ناتيجە كور­سەتىپ ءجۇر­گەن نيدەرلاند, ءوڭتۇس­­تىك كو­رەيا سەكىلدى ەلدەردىڭ باع­دار­­لا­ما­­سى بويىنشا جاتتىعۋ كەرەك. ءتىپ­تى, سول ەلدىڭ بىلىكتى مامان­دا­رىن شاقىر­­ساڭىزدار دا ارتىق­تىق ەتپەيدى». جازىپ العان الماس ماناپ, «ەگەمەن قازاقستان»