ەل دامۋىنداعى ەلەۋلى وقيعا

ەلباسىنىڭ كونستيتۋتسيالىق رەفورماسىن تالداۋ ماقساتىندا الماتى قالاسىنداعى نەمىس ۇيىندە «قازاقستان نەمىستەرىنىڭ قوعامدىق بىرلەستىگىنىڭ «ۆوزروجدەنيە» اسسوتسياتسياسى» رەسپۋبليكالىق قوعامدىق بىرلەستىگى وكىلدەرىنىڭ ۇيىمداستىرۋىمەن كونفەرەنتسيا ءوتتى. ءىس-شاراعا قحا توراعاسىنىڭ ورىنباسارى لەونيد پيتالەنكو, قحا مۇشەلەرى, رەسپۋبليكالىق ەتنومادەني بىرلەستىكتەرىنىڭ جەتەكشىلەرى, قازاقستان نەمىس جاستارىنىڭ وكىلدەرى قاتىستى. جيىن بارىسىندا ءسوز العان قوناقتار ەلباسىنىڭ كونستيتۋتسيالىق رەفورماسىنا تالداۋ جاساي كەلە, بۇل دامۋدىڭ داڭعىل جولىنا جەتەلەيتىن ءىرى قادام دەپ باعا بەردى. ءىس-شارانى اشقان قحا توراعاسىنىڭ ورىنباسارى لەونيد پيتالەنكو: «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جاڭا جولداۋ ەلباسى ايتقانداي بولاشاققا دەگەن سەنىمدى كوپىر بولماق. قازاقستان حالقى ەلباسىنىڭ باستاماسىن ءبىراۋىزدان قولدايدى», – دەپ تالقىلانىپ وتىرعان تاقىرىپتىڭ ماڭىزدىلىعىن ءسوز ەتتى. ەلباسى ەنگىزگەن رەفورماداعى باستى ماسەلەلەر ەلىمىزدىڭ دامۋىنداعى ەلەۋلى وقيعا عانا ەمەس, سونداي-اق, ءبۇتىن ءبىر مەملەكەتتىڭ بولاشاعىن ايقىندايتىن ۇلكەن باستاما ەكەندىگىن العا تارتقان تاريح عىلىمدارىنىڭ دوكتورى گەورگي كان: «بۇل يگى باستامادا ءبارىمىز بەلسەندىلىك تانىتۋىمىز قاجەت. قازاقستاننىڭ ەقىۇ-عا توراعالىق ەتۋى, الەم ەلدەرىنىڭ نازارىن وزىنە اۋدارۋى, باسقا دا ەلەۋلى جەتىستىكتەر ەلىمىز ءۇشىن ۇلكەن ابىروي. بۇل باعىت بيلىك تارماقتارىنىڭ جاۋاپكەرشىلىگىن كۇشەيتۋگە زور سەپتىگىن تيگىزەدى», – دەدى. قازاقستانداعى نەمىس جاستارى ودا­عىنىڭ جەتەكشىسى ارتۋر بارتەل ەلىمىزدەگى نەمىس جاستارى اتىنان اتالعان رەفورما ۇكىمەت پەن پارلامەنتتىڭ تەپە-تەڭدىگىن قامتاماسىز ەتە وتىرىپ, دەموكراتيانىڭ تىڭ سەرپىن الۋىنا ۇلكەن سەپتىگىن تيگى­زەتىن قۇرال ەكەنىن ايتتى. اتالعان شارانى ۇيىمداستىرۋشى «قازاقستان نەمىستەرى قوعامدىق بىرلەستىكتەرىنىڭ «ۆوز­روجدەنيە» قاۋىمداستىعىنىڭ» جەتەكشىسى الەكساندر دەدەرەر جيىندا تالقى­لانعان ماسەلەلەردىڭ وزەكتىلىگىنە توقتالىپ, قازاقستان نەمىستەرى قوعامدىق بىرلەس­تىگى جانە ەلىمىزدەگى بارشا نەمىس ۇل­تى­نىڭ وكىلدەرى ەلباسى ساياساتىن تو­لىق­تاي قولدايتىنىن, بۇل رەفورمانىڭ ەلى­مىز ءۇشىن ەلەۋلى بەتبۇرىس ەكەنىن ايتتى. ارمان وكتيابر, جۋرناليست الماتى