وندا مەملەكەت باسشىسى ن.ءا.نازارباەۆتىڭ قازاقستان حالقىنا «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى مەن ەلباسىنىڭ بيلىك تارماقتارى اراسىندا وكىلەتتىكتەردى قايتا ءبولۋ جونىندەگى كونستيتۋتسيالىق رەفورمالارعا جاساعان ۇندەۋى تالقىلاندى. وتىرىستا ءسوز سويلەگەن پارلامەنت ءماجىلىسىنىڭ ۆيتسە-سپيكەرى گۇلميرا يسىمباەۆا جولداۋدىڭ ءمان-ماڭىزى مەن ەرەكشەلىگىن ايتا كەلىپ, بۇل قۇجاتتا وقۋ ۇدەرىستەرىنە IT-ءبىلىمدى ەنگىزۋ, جاڭا يندۋستريادا تسيفرلىق تەحنولوگيانى قولدانۋ, قارجىلىق بىلىكتىلىكتى كوتەرۋ, ۇشتىلدىلىكتى دامىتۋ, تۇرعىنداردىڭ ساپالى ءبىلىم الۋعا قولجەتىمدىلىگىن قامتاماسىز ەتۋ ماسەلەلەرىنە ەرەكشە نازار اۋدارىلعانىن تالداپ ايتىپ بەردى. بۇكىلالەمدىك داعدارىس جاعدايىندا مەملەكەتتىڭ ۋاقىت تالابىنا ساي دامۋدىڭ 5 باعىتىن تاڭداپ العانىن جان-جاقتى ءتۇسىندىردى. دەپۋتاتتار مەن جاستار جۇزدەسۋىنە ءال-فارابي اتىنداعى قازۇۋ-ءدىڭ زاڭ فاكۋلتەتىنىڭ دەكانى داۋلەت ءبايدىلدينوۆ, وسى وقۋ ورنىنىڭ جاستار ءىسى جونىندەگى كوميتەتىنىڭ ءتورايىمى ايسۇلۋ ەرنيازوۆا قاتىستى.
* * *
سونىمەن قاتار, پارلامەنت ءماجىلىسى توراعاسىنىڭ ورىن- باسارى, «نۇر وتان» پارتياسى فراكتسياسىنىڭ جەتەكشىسى گۇلميرا يسىمباەۆا قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورلىق-وقىتۋشىلار قۇرامىمەن جانە ستۋدەنت جاستارىمەن دە كەزدەستى. كەزدەسۋ بارىسىندا ءوزى دە ۇستازدارعا ۇستاز بولعان ۇلاعاتتى باسشى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدى تالداي كەلە, ءتورتىنشى باسىمدىق – ادامي كاپيتال ساپاسىن جاقسارتۋ – ءبىلىم بەرۋ, دەنساۋلىق ساقتاۋ, الەۋمەتتىك قامسىزداندىرۋ سالالارىنىڭ ماڭىزىنا ايرىقشا توقتالدى.
ايناش ەسالي,
«ەگەمەن قازاقستان»
الماتى
