يمپورتتىق ونىمگە قاراعاندا وتاندىق ازىق-ت ۇلىك قىمباتتاپ جاتىر

ازىق-ت ۇلىك وندىرۋشىلەرى تەڭگەنىڭ ەركىن اينالىمعا جىبەرىلگەنىنەن كەيىن باعاعا يە بولا الماي قالدى. 2016 جىلى قازاقستاندا وندىرىلگەن ازىق-ت ۇلىك قۇنى 2015 جىلعىدان اناعۇرلىم قارقىندىقىمباتتاۋدا, دەپ جازادى Finprom.kz ساراپتاما قىزمەتى. 2016 جىلدىڭ قاڭتار-جەلتوقسان ارالىعىندا ازىق-ت ۇلىك قۇنى 17 پايىزعا قىمباتتاسا, 2015 جىلعى قىمباتشىلىقتىڭ دەڭگەيى الدىڭعى جىلمەن سالىستىرعاندا 4,6 پايىزدى قۇراعان. جەرگىلىكتى ءونىم وندىرۋشىلەر مەن تمد ەلدەرىنەن يمپورتتاۋشىلار بىلتىرعى جىلدارى ايتارلىقتاي قىمباتشىلىققا تاپ بولعان. قازاقستاندا جاسالعان ءونىمنىڭ قۇنى بىلتىر 17,6 پايىز قىمباتتادى. ال تمد ەلدەرىنەن اكەلىنەتىن ازىق-ت ۇلىك باعاسى 15,3 پايىز قىمباتتادى. ال كەرىسىنشە, قازاقستاندىق ءونىم تمد ەلدەرىنە ەكسپورتتالعاندا, ولاردىڭ باعاسى 7,4 پايىز قىمباتتادى. باعانىڭ بۇلايشا كوتەرىلۋىنە ءبىر سەبەپ ءوندىرىس قۇنىنىڭ ارتۋى. اتاپ ايتار بولساق, وندىرىسكە شيكىزات قۇنىنىڭ قىمباتتاۋى ازىق-ت ۇلىك باعاسىنا اسەر ەتكەن. 2016 جىلى ازىق-ت ۇلىك ونەركاسىبىنىڭ شيكىزاتى  33 پايىز قىمباتتاسا, 2015 جىلى بۇل كورسەتكىش 6 پايىزدى قۇراعان. سونىمەن قاتار تەڭگەنىڭ السىرەۋى دە اسەر ەتىپ, تمد ەلدەرىنەن كەلەتىن وندىرىستىك-تەحنيكالىق ءونىم قۇنى 42,5 پايىز, ال تمد ەلدەرىنە جاتپايتىن مەملەكەتتەردەن كەلەتىن ءونىم 56,4 پايىز قىمباتتادى. ال جەرگىلىكتى شيكىزات وندىرۋشىلەرى باعانى ۇستاپ تۇرۋعا تىرىسقانىمەن, ناتيجەسىندە بۇل جەردە دە قىمباتشىلىق دەڭگەيى 21,7 پايىزدى قۇرادى. وسىلايشا, وتكەن جىلى وتاندىق ءونىم يمپورتتىق ونىمدەرگە قاراعاندا اناعۇرلىم قىمباتتادى. 2016 جىلدىڭ قاڭتار-قاراشا ايلارىندا شەت ەلدەن اكەلىنگەن دايىن ازىق-ت ۇلىك ونىمدەرى 8,5 پايىزعا قىمباتتادى. ەڭ كوپ قىمباتتاعان يمپورتتىق ونىمدەر تمد ەلدەرىنە تيەسىلى. 11 ايدا بۇل كورسەتكىش 9 پايىزدى قۇراسا, تمد-دان تىس ەلدەردەن كەلەتىن ءونىم 6,7 پايىز قىمباتتادى.