ەرتەڭىن ويلاعان ەل ۇتىلمايدى

پرەزيدەنت نۇرسۇلتان نازارباەۆ «قازاق­ستاننىڭ ءۇشىنشى جاڭ­عىرۋى: جاھاندىق باسەكەگە قابى­لەتتىلىك» تاقىرىبىنداعى ءوز جول­داۋىندا ءبىلىم ساپاسىن ارت­تىرۋعا, پاتريوتتىق تاربيە بەرۋ ءىسىن جانە عىلىمي باعدارلامالار بو­يىنشا سىني ويلاۋ داعدىلارىن دامىت­ۋعا ەرەكشە ەكپىن بەردى. ءوز ەلىن سۇيەتىن, جوعا­رى ءبىلىمدى ازامات­تارى كوپ, ءبىر ماقساتقا جەتۋ جولىندا جۇدى­رىق­تاي جۇمىل­عان ەل عانا ۇلكەن بيىكتەر­دەن كورى­نەتىنىن مەڭزەگەن پرەزي­دەنت: «بولا­شاعىن ايقىن­داپ, سىن-قاتەر­لەردى كۇتىپ وتىرماستان, وعان تاباندى تۇردە قارسى تۇرا الاتىن حالىق قانا جەڭىسكە جەتەدى», – دەدى. سىني ويلاي ءبىلۋ – دامۋدىڭ قوز­عاۋشى كۇشى. عىلىمي سىن ادامزاتقا ۇلى جاڭالىقتار اكەلدى. وسى ورايدا, ەلباسى وي-ءورىسى جوعا­رى, ءبىلىمدى ۇرپاق تاربيەلەۋ يدەيا­سىنا باسا نازار اۋداردى. ءبىلىمدى ەكونوميكالىق ءوسىمنىڭ جاڭا مودە­لى­نىڭ تىرەگى ەتىپ الۋ مىندەتى العا قويىلدى. بۇل جايت جولداۋدا ايقىن كورىنىس تاپقان. جولداۋداعى 4-ءشى باسىمدىق ادامي كاپيتالدىڭ ساپا­سىن جاق­سارتۋعا ارنالدى. بۇل وتە ماڭىزدى ماسەلە. ءويت­كەنى, تەح­نولوگيالىق جاڭعىرتۋ, كاسىپكەرلىك, لوگيستيكا, اۋىل شارۋا­شى­لىعى, بانك جانە باسقا دا سالا­لارعا قاتىستى باع­دار­­لامالاردى ادامي كاپي­تال­سىز جۇزەگە اسىرۋ مۇمكىن ەمەس. قازىرگى تاڭدا قازاق­ستاننىڭ ءبىلىم بەرۋ جۇيە­سىندە ناتيجەلى جۇ­مىس­­تار جۇرگىزىلۋدە. دەگەنمەن, بۇل سالادا كەلەر ۇرپاق ءۇشىن ءالى دە بول­سا ودان ءارى اتقارىلۋى ءتيىس جۇمىس­تار بار. ونى ويداعىداي اتقارۋعا قازاقستاننىڭ الەۋەتى تولىق جەتەدى. ەسەنعالي يبراەۆ, تۇمەن وبلىستىق قازاق ۇلتتىق-مادەني اۆتونومياسىنىڭ توراعاسى رەسەي فەدەراتسياسى