قاراعاندىدا بەينەلەۋ ونەرى مۇراجايىن سۋ باستى

قاراعاندىداعى بەينەلەۋ ونەرى مۇراجايىن سۋ باسىپ, سۋرەتتەر سۋدا كولكىپ ءجۇر. قورداعى 50-گە جۋىق قۇندى كارتينا ءب ۇلىندى! قارلاگتىڭ قاپاسىندا جا­تىپ, قىلقالامىمەن اقي­قاتتى انىق بەدەرلەگەن اللا ۆاسيلەۆا سىندى اتاقتى سۋرەتشىلەردىڭ بىرنەشەۋىنىڭ مايلى بوياۋ مۇرالارى زارداپ شەككەن. جانە بۇل جاعداي ءبىرىنشى ەمەس. سەبەبى, اتالمىش مۇ­راجاي كوپ قاباتتى تۇر­عىن ءۇيدىڭ ءبىرىنشى قا­باتىندا ورنالاسقان. مۋ­­­­زەي ورنالاسقان ءۇي­­دى با­­قىلاۋشى «MBK Kara­ganda» كومپا­نيا­سىنىڭ, سونداي-اق, توتەنشە جاع­داي­لار قىزمەتى مامان­دارىنىڭ ايتۋىنشا, ىس­تىق سۋ قۇبىرلارىنىڭ ءبىرى جارىلعان. زالالدىڭ ءبىر ۇشى كوپ قاباتتى ءۇيدىڭ جەرتولەسىندە كۇنەلتىپ جاتقان ءۇيى مەن كۇيى جوق­تاردان دا كەلۋى مۇمكىن. قۇبىردىڭ تۇبىنە جىلىنامىن دەپ, ءوزى ءشىرىپ تۇرعان ىستىق سۋ قۇبىرىن سولار ءۇزىپ جىبەرگەن بولۋ كەرەك... قازىر ارنايى قۇرىلعان كوميسسيا اپاتتىڭ سەبەپ-سالدارىن انىقتاپ, كەلتى­رىلگەن شىعىن كولە­مىن ەسەپ­تەپ جاتىر. مۋزەي ديرەكتورى ءبيبى­گۇل قۇداباەۆا مەن ونىڭ ورىنباسارى تاريحشى تە­مىر­عالي ارشابەكوۆ مۇن­داي جاعداي قايتالانباۋ ءۇشىن مۇراجايدى جەكە عي­ما­راتقا كوشىرۋدى سۇراپ وتىر. – ءبىز ءالى دە بولسا بۇل ماسەلە وڭ شە­شىم تا­با­تىنىنا سەنىم­دىمىز. ەل مۇراسى, رۋحاني قۇن­دىلىق­تاردى جەرگىلىكتى باسشىلار دا, ۇكىمەت تە نازاردان تىس قالدىرمايدى دەگەن ويدامىز, – دەيدى ولار. ميراس اسان, «ەگەمەن قازاقستان» قاراعاندى