سقو-دا ەڭ جوعارى جالاقى كىمدەرگە تيەسىلى؟

سولتۇستىك قازاقستان وبلىسىندا 2016 جىلدىڭ 4-توقسانى بويىنشا ءبىر قىزمەتكەردىڭ ورتاشا ايلىق جالاقىسى 104 385 تەڭگەنى قۇراعان. بۇل تۋرالى «قازاقپارات» حابارلادى. سالالىق قۇرىلىمداعى ەڭ جوعارى جالاقى قارجى جانە ساقتاندىرۋ قىزمەتىندە بەلگىلەنگەن. ولاردىڭ ەڭبەكاقىسى 203 307 تەڭگەنى قۇراپ, ورتاشا وبلىستىق دەڭگەيدەن 1,9 ەسە ارتقان. ودان كەيىن  كولىك سالاسىنىڭ قىزمەتكەرلەرى 175 565 تەڭگەمەن العا شىعىپ تۇر. اقپارات جانە بايلانىس سالاسىنىڭ ماماندارى 168 082 تەڭگەمەن ءۇشىنشى ورىندى تۇيىندەگەن. ەڭ تومەنگى جالاقى ونەر, كوڭىل كوتەرۋ جانە دەمالىس سالالارىنىڭ قىزمەتكەرلەرىنە تيەسىلى. ولار ايىنا 75 448 تەڭگە ەڭبەكاقى العان, بۇل وبلىس بويىنشا ورتاشا كورسەتكىشتەن 28%-عا تومەن. اكىمشىلىك جانە قوسىمشا قىزمەت كورسەتۋ سالاسىنىڭ ماماندارىندا وبلىس بويىنشا ورتاشا كورسەتكىشتەن 23%-عا از – 80 707 تەڭگە. 2016 جىلدىڭ 4-توقسانىنداعى اتاۋلى جالاقى 118,6%-دى, ال ناقتى كورسەتكىش 109,3%-دى قۇراعان.