2016 جىلى سوتتارعا 51 مىڭ قىلمىستىق ءىس تۇسكەن

2016 جىلى سوتتارعا 51 234 قىلمىستىق ءىس كەلىپ تۇسكەن, دەپ xابارلايدى قازاقپارات. جوعارعى سوتتىڭ قىلمىستىق ىستەر جونىندەگى سوت القاسىنىڭ توراعاسى اباي راحمەتۋليننىڭ ايتۋىنشا, وتكەن جىلى سوتتارعا تۇسكەن 16 529 قىلمىستىق ءىس توقتاتىلىپ, 18 854 ادام جازادان قۇتىلدى. «ولاردىڭ بارلىعى زارداپ شەككەن جاقپەن ىمىرىعا كەلىپ, شىعىندى تولىعىمەن وتەدى. ءسويتىپ, اقتاۋ ۇكىمدەرىنىڭ سانى 19,2 پايىزعا ارتىپ وتىر. وسىنىڭ ءوزى سوت تورەلىگىن جۇزەگە اسىرۋ بارىسىندا ادامدى قاماۋعا الۋ شارالارىنىڭ ازايىپ كەلە جاتقانىن كورسەتسە كەرەك. جالپى, وتكەن جىلى باس بوستاندىعىنان ايىرۋ جازاسىنان گورى باس بوستاندىعىن شەكتەۋ شارالارى باسىم بولدى. ماسەلەن, 8 500 ادام شارتتى تۇردە سوتتالسا, 4 636 ادامنىڭ جازاسى جەڭىلدەتىلدى. وسىلايشا, تۇرمەدە تۇسكەن ادامداردىڭ سانى جاعىنان قازاقستان الەمدىك رەيتينگتە 62-ءشى ورىنعا كوتەرىلدى», - دەيدى راxمەتۋلين. جالپى, بىلتىر القا باسشىسىنىڭ ايتۋىنشا, وتكەن جىلى سوتتاردىڭ جۇمىسىنا قاتىستى ساۋالناما جۇرگىزىلگەن بولاتىن. سونىڭ ناتيجەسى بويىنشا 16 مىڭ ادامنىڭ 74 پايىزى سوت تورەلىگىنە قاناعاتتاندى. بىرىككەن ۇلتتار ۇيىمىنىڭ دامۋ باعدارلاماسىنىڭ زەرتتەۋى دە سوعان جاقىن ناتيجەنى (71,3 پايىز) كورسەتتى.