قازاقستانداعى ەڭ كوپ جانە ەڭ از جالاقى الاتىن وڭىرلەر

وتكەن جىلدىڭ IV ماۋسىمىندا رەسپۋبليكا بويىنشا ورتاشا جالاقى كولەمى 154 632 تەڭگەنى قۇرادى. قر ستاتيستيكا اگەنتتىگىنىڭ مالىمەتىنشە, ەڭ كوپ جالاقى الاتىن وڭىرلەر ماڭعىستاۋ وبلىسى (273 762 تەڭگە), اتىراۋ وبلىسى (266 024 تەڭگە) جانە استانا قالاسى (239 955 تەڭگە). ال ەڭ از جالاقى الاتىن وڭىرلەر جامبىل وبلىسى (102 722 تەڭگە), سقو (104 385 تەڭگە) جانە وقو (107 740 تەڭگە). ال الماتى قالاسى بولسا, رەيتينگتىڭ ورتاسىندا. ونداعى ورتاشا جالاقى كولەمى 196 881 تەڭگە. جالاقى كولەمىنىڭ كورسەتكىشى 2015 جىلدىڭ ءتورتىنشى ماۋسمىمەن سالىستىرعاندا 13,7 پايىزعا ءوستى. سالالار بويىنشا ەڭ كوپ جالاقى تاۋ-كەن ىسىندە (340 900 تەڭگە), كاسىبي, عىلىمي جانە تەحنيكالىق قىزمەتتەر (327 200 تەڭگە), قارجى جانە ساقتاندىرۋ سالاسى (310 800 تەڭگە), اقپارات جانە بايلانىس (230 000 تەڭگە), كولىك جانە قويما ءىسى (197 000 تەڭگە). ەڭ تومەنگى جالاقى الاتىن كاسىپ تۇرلەرى اۋىل, ورمان جانە بالىق شارۋاشىلىعى (90 000 تەڭگە), ءبىلىم بەرۋ (100 000 تەڭگە).