وقو-دا قازاقستان-تۇركيا ينۆەستيتسيالىق فورۋمى باستالدى

بۇگىن شىمكەنتتە العاش رەت بىرلەسكەن قازاقستان-تۇركيا ينۆەستيتسيالىق 3 كۇندىك فورۋمى باستالدى, دەپ جازادى وبلىس اكىمدىگىنىڭ ءباسپاسوز قىزمەتى. وڭىرىمىزگە شەتەلدىك ينۆەستيتسيالاردى كوپتەپ تارتۋعا باعىتتالعان شاراعا 200-گە جۋىق تۇركيالىق دەلەگاتتار مەن قازاقستاندىق 300 كاسىپكەر قاتىسۋدا. دەلەگاتتار قۇرامىندا كوش باستاعان تۇرىك كەڭەسى باس حاتشىسىنىڭ ورىنباسارى ومەر كودجامان مەن تۇركيا رەسپۋبليكاسى ۇلتتىق ەكونوميكا ءمينيسترىنىڭ كەڭەسشىسى تارىك سونمەز, انكارا قالاسى مەرىنىڭ كەڭەسشىلەرى رامازان كاباساكال, مەحمەد الي ارسلان جانە ساكاريا پروۆينتسياسىنىڭ ساۋدا-ونەركاسىپ پالاتاسىنىڭ باسقارما توراعاسى ماھمۋد كوسەمۋسۋل جانە دەنساۋلىق ساقتاۋ, ەكونوميكا مينيسترلىگىنىڭ وكىلدەرى مەن كاسىپكەرلەر سىندى جاۋاپتى تۇلعالار بار. سونىمەن بىرگە, فورۋم جۇمىسىنا وقو اكىمى جانسەيىت تۇيمەباەۆ, قر ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتىنىڭ توراعاسى ساپاربەك تۇياقباەۆ جانە سالاعا قاتىستى جاۋاپتى جەتەكشىلەر مەن كاسىپكەرلەر قاتىسۋدا. فورۋمدا تۇركيالىق ينۆەستورلارعا ءوڭىر ەكونوميكاسى مەن ينۆەستيتسيالىق احۋالى جانە ينۆەستيتسيالارعا قاتىستى قر-نىڭ مەملەكەتتىك باعدارلامالارى تانىستىرلادى. سونداي اق, مۇندا ەكى جاقتى ىسكەرلىك توپتار اراسىنداعى ساۋدا-ەكونوميكالىق قارىم-قاتىناستاردى جانداندىرىپ, نىعايتاتىن ىسكەرلىك باعدارلاما رەتىندە ۆ2ۆ كەزدەسۋلەرگە باسىمدىق بەرىلەتىن بولادى. وڭتۇستىك وڭىرىنە ارنايى كەلگەن تۇرىك كاسىپكەرلەرىنە العىسىن بىلدىرگەن ءوڭىر باسشىسى ج.تۇيمەباەۆ بۇل فورۋمنىڭ ەلباسىنىڭ كەشەگى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ايتىلعان مىندەتتەردى ورىنداۋداعى نەگىزگى العىشارتتاردىڭ ءبىرى ەكەنىن اتاپ ءوتىپ, جيىننىڭ ماڭىزدىلىعىنا توقتالدى. سونىمەن قاتار, ول تۇركيا قازاقستاننىڭ ساياسي جانە ەكونوميكالىق تۇرعىداعى ەڭ جاقىن جانە سەنىمدى سەرىكتەسىنە اينالعانىن ايتىپ, بۇگىنگى ەكى جاقتى كەزدەسۋدىڭ جەمىستى بولارىنا سەنىم ءبىلدىردى. اقپان ايىنىڭ 1-3 ارالىعىندا وتەتىن قازاق-تۇرىك ينۆەستيتسيالىق فورۋمى اياسىندا «وقو-نىڭ ينۆەستيتسيالىق الەۋەتى» تاقىرىبىنداعى كونفەرەنتسيادان بولەك, وڭتۇستىك قازاقستان وبلىسىنىڭ ينۆەستيتسيالىق جوبالارىنىڭ, تاۋار وندىرۋشىلەرىنىڭ, دامۋ ينستيتۋتتارىنىڭ جانە تۋريستىك جوبالارىنىڭ كورمەسى, سونىمەن قاتار, وقو-نىڭ نەگىزگى تۋريستىك باعىتتارى بويىنشا اقپاراتتىق تۋرلار وتكىزۋ جوسپارلانۋدا. ناقتىراق ايتقاندا, 2 اقپان كۇنى «كورمە» ورتالىعىندا 80-نەن استام وتاندىق تاۋار وندىرۋشىلەرى مەن تۋريزم سالاسىنىڭ, وقو دامۋ ينستيتۋتتارى مەن وڭىردەگى ينۆەستيتسيالىق جوبالاردىڭ بىرلەسكەن كورمەسى تۇرىك كاسىپكەرلەرىنىڭ نازارىنا ۇسىنىلىپ, تۋريستىك سالاداعى B2B فورماتىندا ەكىجاقتى كەزدەسۋلەر وتەدى. ال 3 اقپاندا تۇرىك دەلەگاتتارى «شىمكەنت-وتىرار-تۇركىستان» تۋريستىك باعىتى بويىنشا جولعا شىعىپ, تاريحي جەرلەرگە ساياحاتتايدى دەپ جوسپارلانۋدا.