زاڭدى اقشاسىن الا الماي ءجۇر

ماڭداي تەر, تابان اقى ارقىلى بالا-شاعا ناپاقاسىن ءىلدالدالاپ ايىرىپ جۇرگەن ەڭبەك ادامدارىنا جالاقى تولەمەۋ, بولماسا كەشىكتىرىپ بەرۋ فاكتىلەرى وبلىستا ازايا­ر ەمەس. بۇگىنگە دەيىن 200-گە جۋىق جەكە تۇلعادان ءوتىنىش ءتۇسىپ, جۇمىس بەرۋشىلەرگە 35 ميلليون تەڭگە ايىپپۇل سالىنسا دا, ماسەلە تۇپكىلىكتى شەشىمىن تاپپاي وتىر. ەڭبەك ينسپەكتورلارىنىڭ مالىمەتتەرى بويىنشا 11 كاسىپورىننىڭ عانا بەرەشەگى 70 ميلليون تەڭگەنى قۇرايدى. زاڭدى اقشالارىن داۋلاپ جۇرگەندەردىڭ سانى ءتورت ءجۇز­دەن اسىپ جىعىلادى. ءتى­زىمگە ەنگەن جۇمىسشى-قىز­مەت­كەرلەردىڭ باسىم بولىگى  – اۋىلدىقتار. ماسەلەن, «بي ەلەكترو», «اقجار تسەلينا», «قايرانكول استىق», «ترانس اۆتو» سىقىلدى سەرىكتەستىكتەر ەڭبەكاقى جونىنەن قارىزعا بەلشەدەن باتقان. جىل باسىنان بەرى جارتى مىڭداي مەكەمەگە تەكسەرىس جۇرگىزىلىپ, ءبىر جارىم مىڭ ەڭبەك زاڭناماسىنىڭ بۇزىلۋ وقيعالارى تىركەلگەن. 316 لاۋازىمدى جانە زاڭدى تۇلعاعا 48 ميلليون تەڭگە ايىپپۇل سالىنىپ, ءتۇرلى جازا­لارعا تارتىلعان. ەڭبەك قاۋىپسىزدىگى ساق­تالۋىنىڭ دا وڭىپ تۇرعانى شامالى. 69 جازاتايىم فاك­تىسى ورىن الىپ, 7 ادام قازا تاپقان. ءومىر ەسقالي, «ەگەمەن قازاقستان» سولتۇستىك قازاقستان وبلىسى