• 06 قاڭتار, 2017

ارقار اۋىپ نەسى بار؟..

711 رەت

كورسەتىلدى

1 مين

وقۋ ءۇشىن

Egemen Qazaqstan

قاراعاندى وبلىستىق ىشكى ىستەر دەپارتامەنتىنە قاراستى تابيعات قورعاۋ پوليتسياسىنىڭ قىزمەتكەرلەرى قاراعايلى كەنتىندە «قىزىل كىتاپقا» ەنگەن ارقاردى جويماق بولعان جەرگىلىكتى تۇرعىنداردى قولعا ءتۇسىردى. بۇرناعى كۇنى وسىمدىكتەر مەن جانۋارلار الەمىن قورعاۋ بويىنشا جۇرگىزىلگەن ارنايى رەيدتىك شارالار بارىسىندا تابيعات قورعاۋ پوليتسياسىنىڭ قىزمەتكەرلەرى قاراعايلىنىڭ شەتىندەگى مال جايىلىمىنان وسى كەنتتىڭ ەكى تۇرعىنىن جولىقتىرىپ, جاۋاپقا تارتقان. ولاردان اڭ قۋعا اككىلەنگەن ءتورت يت پەن جارالى ارقار تاركىلەندى. قاسكويلەر بەيكۇنا جانۋار قاشا الماۋى ءۇشىن ادەيىلەپ ونىڭ اياقتارىن سىندىرعان. ارقاردى وڭدىرماي قيناپ, ونىمەن ءارلى-بەرلى سەلفيگە تۇسكەن اپەندەلەردىڭ ۇيالى تەلەفونى دا ەندى وزدەرىنە قارسى بۇلجىتپاس ايعاق بولماق. قازىر ۇستالعاندارعا قاتىستى قر قك 337-بابى 4-ءبولىمىنىڭ 2-تارماعى بويىنشا (زاڭسىز اڭشىلىق) تەرگەۋ امالدارى مەن بىرقاتار ساراپتامالار جۇرگىزىلۋدە. ارقادا بيىل قىس جىلى, وسىنداي اۋمەسەر اڭشىلار بولماسا, ارقار دا, مۇمكىن, اۋماس پا ەدى؟! قايرات ءابىلدينوۆ, «ەگەمەن قازاقستان» قاراعاندى وبلىسى