«Air Arabia» قوسىمشا رەيستەرى استانادان شاردجاعا ۇشىپ شىقتى

«Air Arabia» اۋە كومپانياسىنىڭ تۇراقتى جانە قوسىمشا رەيستەرى استانادان شاردجاعا ۇشىپ شىقتى. بۇل تۋرالى ينۆەستيتسيالار جانە دامۋ مينيسترلىگىنىڭ يندۋستريا جانە تۋريزم دەپارتامەنتى مەن جەدەل شتاب وكىلدەرى ءمالىم ەتتى. «2017 جىلدىڭ 3 قاڭتارى كۇنى «Air Arabia» اۋە كومپانياسىنىڭ قازاقستاندىقتار مىنگەن ەكى رەيسى دە (تۇراقتى جانە قوسىمشا) استانادان شاردجا قالاسىنا ۇشىپ شىقتى. ۇشىرىلىمىنىڭ توقتاتىلۋىنا بايلانىستى وسى ۋاقىتقا دەيىن ءباا-نە جەتە الماي جۇرگەن 118 جولاۋشى قوسىمشا رەيسپەن ۇشىپ شىقتى. «Air Arabia» اۋە كومپانياسىنىڭ تۇراقتى رەيسى دە الماتىدان ءباا-نە بەلگىلەنگەن كەستە بويىنشا ۇشىپ شىقتى»,-دەلىنگەن حابارلامادا. ايتا كەتەيىك, وسىعان دەيىن «Air Arabia» اۋە كومپانياسىنىڭ استانادان شاردجاعا ۇشاتىن رەيسىنىڭ توقتاتىلعانى بەلگىلى بولعان ەدى. 100-دەن اسا جولاۋشى ەلوردا اۋەجايىنان ءباا-ءنىڭ استاناسىنا جەتە الماي جۇرگەن بولاتىن.