جامبىل وبلىسىنىڭ بايزاق اۋدانىندا جىلىنا 4000 تونناعا دەيىنگى برويلەر ەتىن وندىرەتىن «اۋليە-اتا فەنيكس» جشس قۇس فابريكاسى جۇمىسىن باستادى. جالپى قۇنى 2 ملرد تەڭگەنى قۇرايتىن جوبانى قارجىلاندىرۋ «قازاگرو» حولدينگىنىڭ قۇرىلىمىنداعى كومپانيا «قازاگروقارجى» اق قاتىسۋىمەن جۇزەگە اسىرىلدى. جاڭا ءوندىرىس بۇرىنعى 1978 جىلى سالىنعان, بىراق 90-شى جىلداردىڭ باسىنان باستاپ جۇمىس ىستەۋ مۇمكىندىگى بولماعان ەسكى وسىرەتىن قۇس فابريكاسىنىڭ بازاسىندا قۇرىلدى.
جوبانى ىسكە اسىرۋ بارىسىندا 16 قۇس قوراسىنا, قويمالارعا, زەرتحانالارعا, اكىمشىلىك عيماراتتارىنا كۇردەلى جوندەۋ جۇمىستارى جۇزەگە اسىرىلدى, سويۋ جانە قۇراما جەم تسەحتارى قالپىنا كەلتىرىلدى, ينكۋباتوريا سالىندى. «بيزنەستىڭ جول كارتاسى-2020» باعدارلاماسى شەڭبەرىندە 547 ملن تەڭگە سوماسىنا نىساندى سالۋ كەزىندە كوممۋنيكاتسيالىق جۇيەلەردىڭ كەڭەيتىلگەن جەلىسى جۇرگىزىلدى.
«قازاگروقارجى» اق بولىنگەن قاراجاتقا سونىمەن بىرگە برويلەرلەردى ەدەندە باعىپ كۇتۋگە ارنالعان جابدىق, قۇس قوراسىنا جىلىتقىشتار, قۇس قوراسىن باسقارۋ جۇيەسى, ينكۋباتسيالىق جانە توڭازىتقىش جابدىقتارى, قۇراما جەم ءوندىرىسى جابدىعى, سويۋ جەلىسى ساتىپ الىندى.
«اۋليە-اتا فەنيكس» جشس ديرەكتورى فاريدا ءجۇنىسوۆانىڭ ايتۋىنشا, كاسىپورىن «حالال» ستاندارتى بويىنشا جوعارى ساپالى ەت شىعاراتىن بولادى. قۇس فابريكاسى جەرگىلىكتى نارىققا جانە قازاقستاننىڭ باسقا قالالارىنا ەت جەتكىزۋدى جوسپارلايدى, كورشى رەسەي, قىتاي, سونداي-اق ۆەتنام ەلدەرىنە ءونىمدى ەكسپورتتاۋ تۋرالى ۇسىنىستار تۇسۋدە.
«جامبىل وبلىسىندا برويلەر ەتىن شىعاراتىن قۇس فابريكاسى «قازاگروقارجى» اق قارجىلاندىرعان جوبالاردىڭ ءبىرى. وسىنداي جوبالار, ەلدە قاجەت ءونىمدى شىعاراتىندار جانە وڭىرلەردە جۇمىس ورىندارىن قۇراتىندار ءۇشىن عانا پايدالى ەمەس, سونداي-اق اگرارلىق سالادا باسقا باعىتتاردى ىنتالاندىرۋشى, كوپتەگەن ارالاس كاسىپورىندارعا جۇمىس بەرەتىندەر ءۇشىن دە پايدالى», – دەيدى «قازاگروقارجى» اق ينۆەستيتسيالىق جوبالار دەپارتامەنتىنىڭ ديرەكتورى باۋىرجان ءسابيتوۆ.
قۇس فابريكاسىنىڭ اشىلۋى راسىمىندە جامبىل وبلىسىنىڭ اكىمى ك.كوكرەكباەۆ «بۇگىن, يندۋستريالاندىرۋ باعدارلاماسى شەڭبەرىندە ءبىز «اۋليە-اتا فەنيكس» جشس جوباسىن اشامىز. بۇل بىزگە جاقىن وڭىرلەردى ساپالى ەكولوگيالىق ازىق-ت ۇلىك ونىمىمەن قامتاماسىز ەتۋگە مۇمكىندىك بەرەدى, ايماقتىڭ بيۋدجەتىنە سالىق ءتۇسىمىن ارتتىرادى. وسىنىڭ ءبارى جالپى اۋداننىڭ ءال-اۋقاتىن جاقسارتۋ ءۇشىن وڭ تيىمدىلىگىن كورسەتەدى, جامبىل وبلىسىمەن قاتار جالپى ەلىمىزدىڭ ەكونوميكالىق دامۋىنا ىقپالىن تيگىزەدى», – دەدى ءوڭىر باسشىسى كارىم كوكرەكباەۆ.
جالپى, رەسپۋبليكا بويىنشا «قازاگرو» ۇلتتىق حولدينگىمەن قۇس فابريكالارىنىڭ قۇرىلىسى بويىنشا 24 جوبا ماقۇلدانعانىن اتاپ ءوتۋ قاجەت.
جولدىباي بازار
