تاۋەلسىزدىك – ماڭگىلىك ەل مۇراتى

قازاقستان رەسپۋبليكاسىنىڭ تاۋەلسىزدىگى كۇنى – مەملەكەتىمىز بەن حالقىمىز ءۇشىن ەڭ باستى ءارى قۇندى مەرەكە. بۇل كۇنگە سان عاسىر بويى ارمانداپ جەتتىك. ءسويتىپ, 25 جىل ىشىندە ەلىمىزدى الەمنىڭ وركەنيەتتى مەملەكەتتەرىنىڭ قاتارىنا قوستىق. تاۋەلسىز قازاق ەلىن قالىپتاستىرىپ, نارىقتىڭ قيىن كەزەڭدەرىنەن دە امان ءوتىپ كەلەمىز. قازاقستاندى دۇنيە ءجۇزى تانيتىنداي, سىيلايتىن­داي دەڭگەيگە جەتكىزۋدە تۇڭعىش پرە­زي­دەنتىمىز – ەلباسى نۇرسۇلتان ءابىش ۇلى نازارباەۆتىڭ ەڭبەگى زور. بارشا قازاقستاندىقتار ءۇشىن تاۋەلسىزدىكتىڭ ءمانى دە, ماڭىزى دا ايرىقشا. سەبەبى, جەر بەتىندەگى ءاربىر ۇلت ءۇشىن تاۋەلسىز ەل بولۋ – ۇلى ارمان. دۇنيە جۇزىندە 6 مىڭعا جۋىق ۇلتتار مەن ۇلىستار بار بولسا, سولاردىڭ ىشىندە 200-دەيى عانا تاۋەلسىز مەملەكەت بولىپ تابىلادى. «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» تاريحي قۇجاتقا دەيىن ەلىمىز تاۋەلسىزدىككە اپارار بىرنەشە ماڭىزدى قادامدار جاسادى. سونىڭ ىشىندە 1990 جىلعى 25 قازاندا «قازاق كسر-ءىنىڭ مەملەكەتتىك ەگەمەندىگى تۋرالى» دەكلاراتسيا قابىلداندى. بۇل قۇجات ارقىلى تاۋەلسىزدىگىمىزدىڭ قۇقىقتىق جانە يدەولوگيالىق نەگىزدەرى قالاندى. ناتيجەسىندە, 1991 جىلدىڭ 16 جەلتوقسانىندا ەلىمىزدىڭ تاۋەلسىزدىگى تۋرالى زاڭ قابىلداندى. وسىلايشا الەم كارتاسىندا  قازاقستان اتتى جاڭا مەملەكەت پايدا بولدى. وسى جىلدار ىشىندە ەلىمىزدە كوپتەگەن وڭدى ىستەر اتقارىلدى. اتاپ ايتساق, تاريحي جەرىمىزدىڭ شەكاراسى, ەلىمىز ەگەمەندىگىنىڭ تۇعىرى بەكىتىلىپ, ەكونوميكاسى مەن سىرتقى ساياساتى قالىپتاستىرىلا باستادى. مەملەكەتتىك رامىزدەرىمىز, اتا زاڭىمىز, ۇلتتىق ۆاليۋتامىز جانە سارىارقانىڭ كەڭ جازىق دالاسىندا جاڭا استانامىز دۇنيەگە كەلدى. الەمدىك قوعامداستىق الدىندا «قازاقستان رەسپۋبليكاسى» دەگەن اسقاق رۋحتى ەل ورناعانىن مويىنداتتىق. ەكونو­ميكامىز دا جىلدان-جىلعا نىعايىپ, مادە­ني, رۋحاني دامۋ دەڭگەيى بەلەس­كە كوتەرىلۋدە. ءسويتىپ, قازاقستان بۇگىن­دە وزىنە ءتان بارلىق ينستيتۋتتارى بار الەمدىك قوعامداستىقتىڭ ىق­پال­دى مۇشەسىنە اينالىپ ۇلگەردى. 25 جىل مەملەكەت ءۇشىن كوپ ۋاقىت ەمەس, بىراق وسى از عانا ۋاقىتتا قازاقستان ءوز اياعىنا نىق تۇرىپ, الەمگە اتى تانىلعان مەملەكەت بولدى. 25 جىل ىشىندە قازاقستان 70-تەن استام حالىقارالىق ۇيىمنىڭ بەلدى مۇشەسى اتاندى. استانادا ەقىۇ ءسامميتىن ۇيىمداستىرىپ, ءوز جەرىندە ازيادا وتكىزدى. ەسىك قاعىپ تۇرعان جىلى ەلوردامىزدا ەكسپو حالىقارالىق كورمەسى مەن الماتى قالاسىندا قىسقى ۋنيۆەرسيادا سياقتى ماڭىزدى شارالار جالاۋ جەلبىرەتەتىن بولادى. بۇۇ تۇراقتى ەمەس مۇشەلىگىندەگى قىز­مەتى­مىزدىڭ العاشقى جىلى دا باستالعالى تۇر. ەگەمەن دامۋدىڭ 25 جىلى ىشىندە قازاق­­ستان الەمنىڭ ەڭ دامىعان 50 ەلى­نىڭ قاتارىنا ەنىپ, «قازاقستان-2030» سترا­تەگيا­سىن مەرزىمىنەن بۇرىن ىسكە اسىردى. بۇگىندە «قازاقستان-2050» ستراتەگياسىنىڭ ورىندالۋىن جەدەلدەتەتىن «100 ناقتى قادام: بارشاعا ارنالعان قازىرگى زامانعى مەملەكەت» ۇلت جوسپارىن جۇزەگە اسىرا باستادىق.  بۇل باعدارلامالاردىڭ ورىندالۋى «ماڭگىلىك ەل» جالپىۇلتتىق يدەياسىن جۇزەگە اسىرۋعا, ياعني قازاقستاندىق ارمانعا قول جەتكىزۋگە جاقىنداتا تۇسەدى. قازاقستان – بۇگىندە تاۋەلسىز مەملەكەتتەر دوستاستىعى ەلدەرىنىڭ اراسىندا جاڭعىرۋ مەن دامۋدىڭ كوشباسشىسى. مەملەكەتىمىزدىڭ ەگەمەندىگىن الەمنىڭ 120-دان استام مەملەكەتى رەسمي مويىنداعان. قازاقستان بۇۇ-نىڭ تولىق قۇقىلى بەلسەندى مۇشەسى, سونىمەن قاتار ول ىنتىماقتاستىعىن ەۋرووداق, ەۋروپا قايتا قۇرۋ جانە دامۋ بانكى, حالىقارالىق ۆاليۋتا قورى,  ماگاتە, قىزىل جارتى اي, يۋنيسەف پەن يۋنەسكو سىندى بەلدى ۇيىمدارمەن ىقپالداسا وتىرىپ نىعايتۋدا. قازاقستان 400-دەن استام كوپجاقتى جانە 700 ەكىجاقتى كەلىسىمگە قول قويعان. ەۋروپاداعى قاۋىپسىزدىك جانە ىنتى­ماقتاستىق ۇيىمىنداعى توراعالىق, استانا ءسامميتى, يسلام ىنتىماقتاستىعى ۇيى­مىنداعى, شانحاي ىنتىماقتاستىق ۇيىمىن­داعى, ەۋرازيالىق ەكونوميكالىق وداقتاعى توراعالىق – بۇلار ەلباسى ن.ءا.نازارباەۆتىڭ ساليقالى ساياساتىنىڭ ارقاسىندا قول جەت­كىزىلگەن وراسان زور جەتىستىكتەر. ەلباسى نۇرسۇلتان نازارباەۆتىڭ كورەگەندىگىنىڭ, وعان دەگەن حالىقتىڭ سەنىمىنىڭ ارقاسىندا ەلىمىزدە بىرلىك پەن ىنتىماق سالتانات قۇرىپ, وسىنداي ۇلكەن جەتىستىككە جەتتىك جانە مۇنى الەم تانىپ وتىر. ءبىزدىڭ قاسيەتتى دە قاستەرلى ماڭگىلىك ەلىمىزدىڭ جولىندا قازاقستاندىقتاردى ال­دا ءالى دە كوپتەگەن جاڭا تابىستاردىڭ كۇتىپ تۇرعانى تاعى انىق. قازىرگى ۋاقىتتا مەملەكەتتىڭ جاستارعا جاساپ جاتقان قولداۋى دا ايتارلىقتاي. تەك سونى ۇتىمدى پايدالانۋ كەرەك. مەملەكەتىمىزدىڭ بولاشاق وركەندەۋى, دامۋى, گۇلدەنۋى يماندى, ءبىلىمدى ونىڭ ىشىندە مەملەكەتتىك ءتىلدى بىلەتىن, بارلىق حالىقتاردىڭ داستۇرلەرىن قۇرمەتتەيتىن جىگەرلى جاستارعا بايلانىستى. جاڭا زامانداعى عىلىمنىڭ جەتىستىگىنەن تولىق حاباردار جاستارىمىز مەملەكەتىمىزدىڭ كوش باستاۋشىسى, ىلگەرىلەتۋشىسى بولىپ قالىپتاسۋى كەرەك. بولاشاعىمىزدىڭ سوندا عانا باياندى بولاتىنى ايتپاسا دا تۇسىنىكتى. نۇرسۇلتان بايتىلەسوۆ, قازاقستان رەسپۋبليكاسى اسكەري سوتتار اكىمشىسىنىڭ باسشىسى