ەسكى كولىكتەردى ساتىپ الۋ باعدارلاماسى 16 قاڭتاردان تولىق جۇمىس ىستەيدى

«وكم وپەراتورى» جشس توزىعى جەتكەن كولىك قۇرالدارىن وتكىزۋدى ىنتالاندىرۋ باعدارلاماسىن 2017 جىلدىڭ 16 قاڭتارىنان باستاپ قازاقستاننىڭ 17 قالاسىندا تولىعىمەن ىسكە قوسادى, دەپ حابارلايدى strategy2050.kz. «2017 جىلدىڭ 4-15 قاڭتار ارالىعىندا كونە كولىكتەردى باعالاۋ جانە قابىلداۋدى جەتىلدىرۋ جۇمىستارى جۇرگىزىلەدى.  وسى رەتتە وكم وپەراتورى قر ءىىم اكىمشىلىك پوليتسيا كوميتەتىمەن بىرلەسىپ, كولىك قۇرالدارىن جويۋ ماقساتىندا ەسەپتەن شىعارۋ جونىندەگى جالپىعا ورتاق انىقتاما قۇجات بەكىتەدى», - دەپ حابارلادى ەنەرگەتيكا مينيسترلىگى. سونداي-اق حالىققا ىڭعايلى بولۋ ءۇشىن وكم وپەراتورى قر ەنەرگەتيكا مينيسترىلگىمەن جانە رەسپۋبليكالىق نوتاريالدىق پالاتامەن بىرلەسىپ, كولىك قۇرالىن جويۋعا وتكىزۋگە سەنىم ءبىلدىرۋ جونىندەگى ورتاق ۇلگى ەنگىزەتىن بولادى. جانە دە وكم وپەراتورى «قازپوشتا» اق (جەكە جانە زاڭدى تۇلعالارعا ەسەپتىك شوت اشۋ ءۇشىن) كەلىسىمگە قول جەتكىزدى. 2017 جىلدىڭ 4 مەن 15 قاڭتار ارالىعىندا ەلەكتروندى كەزەك جۇيەسى ەنگىزىلىپ, ەسكى كولىكتەردى جينايتىن ءموبيلدى بەكەت كەستەسى جاسالادى. سونداي-اق توزعان كولىكتەردى قابىلداۋ جانە باعالۋ جۇمىسى جەتىلدىرىلەدى. ايتا كەتۋ كەرەك, 2016 جىلدىڭ 21 قاراشاسىنان باستاپ جۇزەگە اسىرىلعان پيلوتتىق جوبا اياسىندا ەلىمىز بويىنشا 4774 ەسكى كولىك  قابىلداندى (21 قاراشا مەن 27 جەلتوقسان ارالىعىندا). كورنەرگەن كولىكتەردى قابىلداۋ بويىنشا شىمكەنت قالاسى كوش باستادى. ءبىر ايدان استام ۋاقىتتا اتالعان قالادان - 661 اۆتوكولىك جينالدى. 672 كولىك وتكىزگەن قوستاناي ەكىنشى ورىندا. 412 ماشينا تاپسىرعان اقتوبە قالاسى ۇشتىكتى تۇيىندەگەن. جويۋ ماقساتىندا قابىلدانعان اۆتوكولىكتەردىڭ ورتاشا جاسى 25-30 جىل ارالىعىن قامتيدى. توزعان كولىكتەردى وتكىزۋدى ىنتالاندىرۋ باعدارلاماسى ىسكە قوسىلعالى بەرى قابىلدانعان 4772 كولىك ءبىرىنشى سانات (150 مىڭ تەڭگە) بويىنشا باعالاندى.  تاپسىرىلعان كولىكتەردىڭ اراسىندا تەك 2 اۆتوكولىك ەكىنشى ساناتقا (48 مىڭ تەڭگە) جاتقىزىلعان.