الاۋ الىپ پەشتەن تۇتانادى

ءبىر ايدان سوڭ الماتىدا XXVIII بۇكىلالەمدىك قىسقى ۋنيۆەرسيادانىڭ الاۋى جاعىلىپ, 60-قا جۋىق مەملەكەتتەن كەلەتىن ەكى مىڭداي سپورتشى سپورتتىڭ 12 تۇرىنەن سىنعا تۇسەدى. وسىناۋ دۇنيەجۇزىلىك دوداعا ەلىمىزدىڭ ءار ءوڭىرى ەرەكشە دايىندىق ۇستىندە. 2017 جىلدىڭ 26 قاڭتارى كۇنى قاراعاندى مەن تەمىرتاۋ قالالارىندا ون ەكى شاقىرىمدىق الاۋ ەستافەتاسى وتپەك. ەستافەتا الاۋىن كەزەكپەن الىپ جۇگىرۋگە 60 ادام ىرىكتەلىپ الىندى. الدىن الا قويىلعان تالاپقا سايكەس, ولاردىڭ ءبارى دە وقۋ مەن سپورتتا, قوعامدىق ومىردە كوش باسىنان كورىنىپ, كوزگە تۇسكەن دارىندى جاستار. – الاۋدى تەمىرتاۋداعى ايگىلى مەتاللۋرگيا كومبيناتىنىڭ دوم­نا پەشىنەن وسى جەردە كەزىندە ەلبا­سىمەن بىرگە ەڭبەك ەتكەن سەرىك­تەرىنىڭ ءبىرى جانە قاراعاندى مەم­لەكەتتىك يندۋستريالىق ۋني­ۆەر­سيتەتىنىڭ ستۋدەنتتەرى تۇتان­دىرادى, – دەيدى وبلىستىق دەنە شىنىق­تىرۋ جانە سپورت باسقار­ما­سى­نىڭ باسشىسى ناتاليا سۋحورۋكوۆا. – سونىمەن ءبىر مەز­گىلدە قاراعاندى مەملەكەتتىك تەح­ني­كالىق ۋنيۆەرسيتەتىنىڭ ستۋ­دەنت­تەرى شاحتاعا ارنايى ءتۇسىپ, كومىر الادى دا, وبلىس ورتالى­عىن­داعى «قاراعاندى-ارەنا» مۇز سارايىندا ورنالاسقان نەگىزگى الاۋ قۇتىسىنا جەتكىزەدى. قاراعاندى مەن تەمىرتاۋ ەستافەتاشىلارى مارەگە جەتەتىن مۇز سارايىندا كوپشىلىكتى ۇلكەن مەرەكەلىك باع­دارلاما كۇتەدى. جالپى, ۋنيۆەرسياداعا قارا­عان­دى وبلىسىنان سپورتتىڭ شايبالى حوككەي, شاڭعى جارىسى, مانەر­لەپ سىرعاناۋ, كونكيمەن ءجۇ­گىرۋ جانە بياتلون سىندى ءتۇر­لەرىنەن بار­لىعى 14 سپورتشى قاتىس­پاق. قانداي دا بولسىن دەڭگەي­دەگى سپورت باسەكەسىنەن ولجا­سىز قايت­پاي­تىن قاراعاندىلىق جاستار الەم ستۋ­دەنتتەرىنىڭ اراسىندا دا سۋىرىلىپ العا شىعارىنا سەنىمدىمىز. قايرات ءابىلدينوۆ, «ەگەمەن قازاقستان» قاراعاندى