قازاقستاندىق وپەراتورلار ءليميتسىز 4G ينتەرنەتتى جاۋىپ جاتىر

ءليميتسىز 4G ينتەرنەتتىڭ داۋرەنى ءبىتتى. جاڭا جىلدان باستاپ بارلىق وپەراتورلاردىڭ ابونەنتتەرى وزدەرىنىڭ تاريفتىك جوسپارى بويىنشا شەكتەۋلى ينتەرنەت الادى, دەپ حابارلايدى Tengrinews.kz. Tele2 جانە Altel وپەراتورلارىنىڭ تۇتىنۋشىلارى تەك 31 جەلتوقسانعا دەيىن عانا ءليميتسىز ينتەرنەت قولدانا الادى. 2017 جىلدىڭ 1 قاڭتارىنان باستاپ قوس وپەراتوردىڭ دا ينتەرنەتى شەكتەۋلى بولادى. "2016 جىلدىڭ 31 جەلتوقسانىندا ءتورت تاريفتىك جوسپار بويىنشا اكتسيالىق ءليميتسىز ينتەرنەتتىڭ ۋاقىتى اياقتالادى," - دەپ حابارلايدى Tele2. Altel دە 4G ينتەرنەتتىڭ اياقتالاتىنىن حابارلايدى. دەگەنمەن, تۇتىنۋشىلار اتالعان ءتاريفتى تاعى ءبىر ايعا سوزا الادى. Beeline وپەراتورى دا ءليميتسىز ينتەرنەتتى توقتاتپاقشى. ء"بىز باسىندا-اق ەسكەرتكەنبىز. ازىرگە ءليميتسىز ينتەرنەتتى سوزۋ تۋرالى جوسپار جوق. دەگەنمەن, تەگىن ينتەرنەت ەندى بولمايدى," - دەيدى كومپانيانىڭ كورپوراتيۆتى كوممۋنيكاتسيا جونىندەگى ديرەكتورى الەكسەي بەندز. Kcell ءوزىنىڭ "پرەستيج+" تاريفتىك جوسپارى بويىنشا 10 قاڭتارعا دەيىن شەكسىز ينتەرنەت ۇسىنادى. جىل باسىندا Altel وپەراتورى ءليميتسىز ينتەرنەتتى الىپ تاستاعان ەدى. بۇل Tele2 وپەراتورىمەن قوسىلعاننان كەيىن بولعان.