قازينۆەستبانك تاراعاننان كەيىن ونداعى دەپوزيتتەر قاي بانككە بەرىلەدى؟

بانكتى ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇننەن باستاپ 14 جۇمىس كۇنى ىشىندە قازاقستاننىڭ دەپوزيتتەرگە كەپىلدىك بەرۋ قورى (قدكبق), جۇمىس ىستەپ تۇرعان قازاقستاندىق بانكتەر ىشىنەن اگەنت-بانكتى تاڭداپ جاريالايدى جانە اتالعان اگەنت-بانك «قازينۆەستبانك» اق سالىمشىلارىنا وتەمدى تولەۋدى جانە ەسەپ ايىرىسۋ باستايدى, دەپ حابارلادى قدكبق. زاڭناماعا سايكەس, بۇل بانك قارجىلىق جاعدايى تۇراقتى, اۋقىمدى فيليالدىق جەلىسى مەن ينفراقۇرىلىمى ارقاسىندا, سالىمشىلارعا قىزمەت كورسەتۋگە بۇكىل ەل بويىنشا مۇمكىندىك بەرەدى. بۇل بانك «قازينۆەستبانك» اق سالىمشىلارىمەن قدكبق اتىنان جانە ەسەبىنەن جۇمىس ىستەيتىن بولادى. قدكبق تاڭدالعان اگەنت-بانكتى جاريالانعاننان كەيىن, سالىمشىلار اتالعان بانكتىڭ بولىمشەلەرىنە بارىپ كەپىلدىك بەرىلگەن وتەمدى تولەۋ تۋرالى ارىز جازادى. قۇجاتتار اگەنت-بانككە كەلىپ تۇسكەن كۇننەن باستاپ 5 جۇمىس كۇنىنەن كەشىكتىرمەي اگەنت-بانكپەن وتەمدى تولەۋ ىسكە اسىرىلاتىنىن اتاپ كورسەتكەن. كەپىلدىكتىڭ ەڭ جوعارى مولشەرى ۇلتتىق ۆاليۋتاداعى دەپوزيتتەر بويىنشا – 10 ميلليون تەڭگە; شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگە. «وتەمدەر نەگىزگى سوما شەگىندە عانا جۇزەگە اسىرىلادى, بانكتىڭ ەسەپتەلگەن سىياقىسىنا كەپىلدىك بەرىلمەيدى. ەگەر دە بانك سالىمى شارتىندا سىياقىنى كاپيتالداندىرۋ كوزدەلسە, وندا كاپيتالاندىرۋ سىياقىسى نەگىزگى دەپوزيت سوماسىنا قوسىلادى جانە كەپىلدىك وبەكتىسىنە اينالادى», – دەلىنگەن حابارلامادا.