جۇمىس جوسپارىن بەكىتتى

قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولىپ, وندا جوعارعى پالاتا وتىرىسىنىڭ كۇن ءتارتىبى بەلگىلەندى, دەپ حابارلادى سەناتتىڭ ءباسپاسوز قىزمەتى. 29 جەلتوقساندا سەناتورلار قازاق­ستان مەن يران اراسىنداعى سو­ت­تال­عان ادامداردى بەرۋ تۋرالى كە­لىسىمدى جانە قازاقستان مەن سلو­ۆە­نيا اراسىنداعى تابىس پەن كا­پي­­تالعا سالىناتىن سالىق­تار­عا قا­تىس­تى قوسارلانعان سالىق سالۋ­­دى بول­دىرماۋ جانە سالىق­تان جال­­تا­رۋ­عا جول بەرمەۋ تۋرا­لى ۇكى­مەت­ا­را­­لىق كونۆەنتسيا­نى جانە وعان حات­تا­مانى راتي­ف­ي­كا­­تسيا­­لاۋ تۋرا­­لى زاڭ جوبا­لا­رىن قارايتىن بولدى. پا­لاتا «جايىلىمدار تۋرالى» جانە زاڭناماعا جايىلىمداردى پاي­د­الانۋ ماسەلەلەرى بويىنشا ءتۇ­زە­تۋ­لەردى ءبىرىنشى وقىلىمدا قارايدى. بيۋرو وتىرىسىندا ءماجىلىس­تەن تۇسكەن زاڭ جوبالارى ءبولىنىپ بەرىلدى. بيۋرودا, سونداي-اق, سەنات­تىڭ 2017 جىلعا ارنالعان نەگىزگى شارالار جوسپارى دا بەكىتىلدى. الداعى جىلى ءتورت پارلامەنتتىك تىڭداۋ, سەنات كوميتەتتەرىنىڭ ون ەكى كوشپەلى وتىرى­سىن وتكىزۋ جوس­پارلاندى. ۇلت جوسپارى مەن ەلىمىزدىڭ الەۋمەتتىك-ەكونوميكالىق دامۋىنا باعىتتالعان ستراتەگيا­لىق باع­دار­لامالاردى ىسكە اسىرۋ ماق­ساتىندا سەنات ون دوڭگە­لەك ۇستەل جانە ون ءتورت كەزدەسۋ وتكىزەدى. ماڭىزدى حالىقارالىق شارا­لاردىڭ قاتارىندا پاگوۋش قوز­عالىسىنىڭ كونفەرەنتسياسى مەن الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ وتى­رىسىن وتكىزۋ دە بار.