«قازكوممەرتسبانك» اق رەتتەۋشى تالاپتاردى ورىندايدى جانە كليەنتتەردىڭ مىندەتتەمەلەرىن تولىق كولەمدە ورىندايدى.
ۇلتتىق بانك باسقارماسى وسىعان دەيىن «قازكوممەرتسبانك» اق-قا بانكتىڭ جۇيەلىك ماڭىزدىلىعىن ەسكەرە وتىرىپ 400,8 ملرد تەڭگە سوماعا قىسقا مەرزىمدى قارجىلاندىرۋ تۋرالى شەشىم قابىلداعان بولاتىن. قارىز بانك كليەنتتەرىنىڭ الدىنداعى مىندەتتەمەلەردى ورىنداۋ ءۇشىن وتىمدىلىكتىڭ قوسىمشا قورىن قامتاماسىز ەتۋ ماقساتىندا بەرىلدى.
بۇگىنگى كۇنى بانك ءوتىمدى اكتيۆتەردىڭ جەتكىلىكتى كولەمىنە يە, بۇل وعان قارىزدى ءىشىنارا مەرزىمىنەن بۇرىن وتەۋگە مۇمكىندىك بەردى. «قازكوممەرتسبانك» اق ۇلتتىق بانككە بۇرىن بولىنگەن قاراجاتتىڭ جارتىسىن قايتاردى.
قازىرگى ۋاقىتتا بانكتەردى كاپيتالداندىرۋدى ۇلعايتۋ بانك سەكتورىنىڭ باسەكەگە قابىلەتتىلىگىن ارتتىرۋدىڭ باسىم باعىتتارىنىڭ ءبىرى بولىپ تابىلادى. وسىعان بايلانىستى ۇلتتىق بانك اعىمداعى قاداعالاۋ پروتسەسى شەڭبەرىندە اكتسيونەرلەرمەن, ونىڭ ىشىندە «قازكوممەرتسبانك» اق-تىڭ اكتسيونەرلەرىمەن كاپيتالداندىرۋ دەڭگەيىن ارتتىرۋ جونىندە كەلىسسوزدەر جۇرگىزۋدە.
